[[Şəkil:KeiraKnightleyJuly06.jpg|thumb|150px|"[[Karib Dənizinin Piratları: Ölünün Sandığı]]" premyerasında. London, 2006]]
'''Kira Kristina Naytli''' (d. [[26 mart]], [[1985]], [[Teddinqton]]) ingilis aktrisası, televiziyada da çəkilir (o cümlədən "Doktor Jivaqo" və "Oliver Tvist" seriallarında). 2005 il "İftixar və Mövhumat" filmindəki roluna görə [[Oskar mükafatı|Oskar mükafatına]] nominasiya almışdır. "[[Karib Dənizinin Piratları]]" trilogiyasında da çəkilmişdir.
Keira Knightley
Məşhur aktrisa Keira Knightley 1985-ci il mart ayının 3-də İngiltərənin Teddinqton şəhərində sənətçi ailəsində anadan olub. Onun anadan olması qəribə mərc əsasında baş verir. Belə ki, onun valideynləri - anası aktrisa Şerman Makdonald və atası aktyor Uill Knightley öz aralarında mərc qoşurlar. Şerman karyerasını yarımçıq qoyub, dramaturgiya ilə maraqlanır. Əgər o, özünün birinci əsərini təqdim etsə, onda ailədə ikinci uşaq anadan ola bilər. Şerman Makdonald mərcdə qalib gəlir və gələcək aktrisa Keira Knightley anadan olur. Kiranın özündən böyük Kaleb adlı bir qardaşı var. O, uşaqlıqdan aktrisa olacağına əmin idi. Bəlkə də artist ailəsində dünyaya göz açması onun bu arzusunu reallaşdırmağına kömək edir. Hələ üç yaşında olarkən valideynlərində olduğu kimi, onun da şəxsi agenti olmasını istəyir. Valideynləri dərslərini yaxşı oxuduğu zaman Keira Knightley üçün agent tutacaqlarına söz verirlər. Balaca Keira tərs, inadkar və istədiyinə nail olan uşaq olduğu üçün , dərslərini yaxşı oxuyur. Baxmayaraq ki, sözləri oxumaqda çətinlik çəkilən xəstəlikdən-disleksiyadan əziyyət çəkirdi. Lakin, Keira bütün səyi ilə çalışır. Məktəbdə fərqlənməyi sevir və bacardığı qədər digərlərindən seçilir. Məktəb tətillərində isə artistlik dərslərini öyrənir. Onun səyi layiqincə qiymətləndirilir və altı yaşında olanda artıq şəxsi agenti olur.
Keira Knightley ilk dəfə olaraq yeddi yaşında "Royal Celebration" filmində kiçik qız rolunu canlandırır. On bir yaşında mini teleserial və teleşoularda çıxış edir. Oynadığı "Kənd işi", "Günahsız yalan", "Xəzinə axtaranlar", "Evə qayıdış" və digər filmləri Avropa kanallarında yayımlanmağa başlayır. Aktrisanın karyerasında uğur qazanmasına təsir edən amillərdən biri onun aktrisa Natali Portman ilə bənzərsiz oxşarlığı olur. Məhz həmin oxşarlıq gənc aktrisa üçün böyük kino aləminə bilet rolunu oynayır. Aktrisanın çəkildiyi ilk ciddi rolu ingiltərə serialı "Oliver Tvist" olur. 2002-ci ildə "Beckham kimi oyna" filmi ekranlara çıxır. Film çəkilişlərinə xərclənən maddi vəsaitdən 20 dəfə çox gəlir əldə edir və aktrisaya unudulmaz şöhrətlik gətirir. Aktrisa 2002-ci ildə daxil olduğu məktəbdəki təhsilini yarımçıq qoyub, özünü bütünlükdə kinoya həsr edir. Keira Knightley-nin həyatındakı dönüş nöqtəsi kimi "Karib dənizinin quldurları" filmindəki rolu sayılır. Johnny Depp və Orlonda Bloom kimi məşhur aktyorlarla birlikdə çəkilmək ona ardı-arası kəsilməyən iş təklifləri gətirir.Müxtəlif obrazlar yaradır və özünün dediyi kimi onun ən yaxşı rolları hələ qabaqdadır.
