Ümumdünya Ədalət Evi: Redaktələr arasındakı fərq

 

== Yaranması və fəaliyyəti ==

[[Image:firstUHJ.jpg|thumb|200px|left|Original members of the first Universal House of Justice, 1963.]]

Ümumdünya Ədalət Evinin seçilməsi ilə Bəhai Dininin tarixində yeni era başlamışdır. Əvvəlcə İlahi Zühurun – Bəhaullahın şəxsiyyəti vasitəsilə, sonra Əhdin Mərkəzi (Əbdül-Bəha Abbas) və Əmrin Mühafizi (Şövqi Əfəndi) vasitəsilə Bəhai Dini parçalanmadan qorunmuşdur. Lakin Şövqi Əfəndinin həyatdan getməsi və Ümumdünya Ədalət Evinin təntənəli şəkildə elan edilməsi ilə idarəetmə şəxsiyyətdən orqana keçmişdir. Bəhailərin inancına görə bu orqanın ayrı-ayrı üzvləri səhvsiz olmasalar da, onların kollektiv qərarı Allah tərəfindən istiqamətləndirildiyi üçün qüsursuzdur və bununla da Ümumdünya Ədalət Evinin səlahiyyətlərinə aid edilən məsələlər üzərində Allahın fasiləsiz rəhbərliyi təmin edilmişdir. Uca Ədalət Evinin səlahiyyətləri Bəhaullah tərəfindən dəqiq müəyyənləşdirildiyi üçün Bəhai Yazılarındakı qanun və başqa göstərişlərdə dəyişiklərin edilməsinin qarşısı alınmışdır. Bu dinlərin tarixində görünməmiş hadisə idi. Heç vaxt əvvəllər Allahın Peyğəmbərləri ümumi seçkilər vasitəsi ilə seçilmiş Şuraya qanunlar vermək və Onun dinini idarə etmək hüququnu verməmiş və bu işlərin Allah tərəfindən istiqamətləndiriləcəyini vəd etməmişdi. Bəhaullah Əhdi bəşəriyyəti Ümumdünya Ədalət Evi vasitəsilə Müqəddəs Yazılarda öz əksini tapmayan və izahı aydın olmayan bütün məsələlərlə bağlı fasiləsiz İlahi göstərişlərlə təchiz etmişdir.