Vikipediya

Bəhmən Vətənoğlu: Redaktələr arasındakı fərq

Tarixə interaktiv şəkildə baxın
← Əvvəlki redaktəSonrakı redaktə →
Silinən məzmun Əlavə edilmiş məzmun
VizualVikimətn
İrada (müzakirə | töhfələr)
20.876 redaktə
Redaktənin izahı yoxdur
Səhifənin bütün məzmununun silinməsi
Sətir 1:
{{Yazıçı
|Şəkil = Bəhmən Vətənoğlu.jpg
|Şəkil məlumat =
|Şəkil miqyası =
|Adı = BƏHMƏN VƏTƏNOĞLU
|Tam adı = Bəhmən Kalış oğlu Abbasov
|Digər adları =
|Doğum tarixi = {{Doğum_tarixi|1932|12|31}}
|Doğum yeri = [[Seyidlər (Kəlbəcər)|Seyidlər]], [[Kəlbəcər]]
|Vəfatı = {{Vəfat_tarixi və yaşı|2004|9|30|1932|12|31}}
|Vəfat yeri = [[Gəncə]]
|Vəfat səbəbi =
|Sayt =
}}
 
'''Abbasov Bəhmən Kalış oğlu''' — şair, [[Azərbaycan Yazıçılar Birliyi]]nin (1999) üzvü.
 
== Həyatı ==
 
Bəhmən Vətənoğlu 1932-ci il dekabrın 31-də [[Kəlbəcər rayonu]]nun [[Seyidlər (Kəlbəcər)|Seyidlər kəndində]] dünyaya gəlmişdir. Burada kənd orta məktəbini bitirdikdən sonra kolxozda çalışmış (1951-1955), kənd kitabxanasında müdir olmuşdur (1955-1960).
 
Azərbaycan Dövlət Universitetinin tarix fakültəsində təhsilini davam etdirmişdir (1960-1965). Təyinatla Kəlbəcər rayonunun Lev kənd orta məktəbinə müəllim göndərilmişdir (1965-1967). Seyidlər kənd orta məktəbində direktor olmuşdur (1967-1993).
 
Qarabağ münaqişəsi dövründə ailəlikcə Gəncəyə köçüb orada məskunlaşmışlar. Bir müddət Kəlbəcər təhsil şöbəsinin metodisti işləmişdir (1993-?).
 
Bədii yaradıcılığa orta məktəbdə oxuyarkən başlamışdır. İlk mətbu şeri "Dəyişməmişəm" 1958-ci ildə Kəlbəcər rayon qəzetində ("Yeni həyat uğrunda") dərc olunmuşdur. Respublika mətbuatında vaxtaşırı çıxış etmişdir. "Haqqa qardaş yaranmışam" (1985), "Allahsız dünya" (1992) "Vətən bizi bağışlamaz" (1995), "Qaldı ürəyimdə dağı dağların" (1997) şeir topluları nəşr olunmuşdur.
 
== Əsərləri ==
 
* "Haqqa qardaş yaranmışam" (1985),
* "Allahsız dünya" (1992)
* "Vətən bizi bağışlamaz" (1995),
* "Qaldı ürəyimdə dağı dağların" (1997)
* "Nə yaman aldatdın Bəhməni, dünya"
 
== Şəkillər ==
 
<gallery>
Şəkil:Zəlimxan Yaqub-1.jpg|Bəhmən Vətənoğlu və [[Zəlimxan Yaqub]].
</gallery>
 
== Yaradıcılığı ==
 
<poem>
'''Yazığım gəlir'''
 
Dünya kiminə kef, kiminə dəhşət,
Bunları qanana yazığım gəlir.
Duyub düşündükcə ömrün sonunu,
İnsanam, insana yazığım gəlir.
 
Dövran təzələdi yenə dərdimi,
Saz nədir, bilməyən tərpədir simi,
Bir ağılsız naşı qəvvaslar kimi,
Düşəndə ümana yazığım gəlir.
 
Ömür yolarında ağardı birçək,
Ay ellər, atalar alimdi gerçək:
Cüt olsa milçək də qalib gələcək,
Tək olan aslana yazığım gəlir.
 
Xilqətin sirrini duya bilmirəm,
Hər sözü aşikar deyə bilmirəm,
Niyə sızıldayır, niyə bilmirəm,
Naləli kamana yazığım gəlir.
 
Gözümdən yaş axır üzümə dən-dən,
Aman ay ayrılıq olmuyaydın sən.
Bir ölüm yaxşıdı sevilməməkdən
Talesiz cavana yazığım gəlir.
 
İgid ƏR adlanar qeyrət olanda,
Üzdə həya olar, ismət olanda,
Dilbilməz nadana qismət olanda,
Əhli-hal canana yazığım gəlir.
 
Bir an çatılmazmı qaşı ovçunun,
Axmazmı gözündən yaşı ovçunun,
Dəyəndə gülləsi naşı ovçunun
Yaralı ceyrana yazığım gəlir.
 
Dövrün gərdişinə uya bilməyib,
Qəlbindən qubarı yuya bilməyib,
Eşqini kimsəyə deyə bilməyib
Gizlicə yanana yazığım gəlir.
 
Zalım zaman kimi etdi bəxtiyar,
Ürəklərdə kədər, həsrət, intizar,
Aman Allah dağlar boyda dərdi var
Bəhmən tək ozana yazığım gəlir.
 
 
'''Ay ana'''
 
''(Vətən bizi bağışlamaz silsiləsindən)''
 
 
Ay köksü parça-parça, ay ürəyi yaralı,
Ay süsənli, sünbüllü, bənövşəli, lalalı,
"Ay Qüdrətdən səngərli, ay qüdrətdən qalalı"
Səngərlərin boş qaldı, qalaların virana,
Bizim kimi oğula bir layla de ay ana.
 
Gəlin qaya qan ağlar, Dəli Dağı dardadı,
Susub ceyran bulağı, Səməd Vurğun hardadı,
Tərtər suyu qan gəlir, yaman ahu zardadı,
Bu fəryad elə qopdu səs yayıldı cahana,
Bizim kimi oğula bir layla de ay ana.
 
Yerdən alov püskürdü, göydən gürşad ələndi,
Qəzəbindən Murovun zirvəsi silkələndi,
Günahsız cavan öldü... Torpaq qana bələndi,
Niyə bir nəfər kimi biz qalxmadıq üsyana,
Bizim kimi oğula bir layla de ay ana.
 
Kim deyir ki ölənlər, vədəsi çatdı, öldü,
Qızlarımız özünü qayadan atdı, öldü,
Neçə-neçə gəlinlər sularda batdı, öldü,
Yenə bizim səbrimiz niyə çatmadı sona?
Bizim kimi oğula bir layla de ay ana.
 
Sənə ana deməyə, haqqımız da yox bizim,
Olsun o haqqı-sayın sinəmizə ox bizim,
İldırımı, şimşəyi başımıza çax bizim,
Biz dayana bilmədik keşiyində mərdana,
Bizim kimi oğula bir layla de ay ana.
 
Vətən də unudulub, Vətən də atılarmı?
Vətən də yad torpağa, yad elə qatılarmı?
Vətən də alınarmı, Vətən də satılarmı?
Lənət səni satana, lənət səni alana,
Bizim kimi oğula bir layla de ay ana.
 
Belinə bel bağladıq, belimizi qıranın,
Qarşısında baş əydik başımızdan vuranın,
Başında baş olmadı başımızda duranın,
Nifrət belə tarixə, nifrət belə zamana,
Bizim kimi oğula bir layla de ay ana.
 
 
'''Torpaq'''
 
Qananlar əlində şirin nemətsən,
Nadanlar əlində məzəli torpaq.
Xilqətin ilki də, sonu da sənsən,
Varlığın axırı - əzəli torpaq.
 
Çox yarı yarından iraq eylədin,
Yandırdın şamlara çıraq eylədin,
Aldın qucağına torpaq eylədin,
Neçə min ay üzlü gözəli torpaq.
 
Şadlıq da, möhnət də bərabər deyil,
Vicdan da, qeyrət də bərabər deyil,
Ömür də, dövlət də bərabər deyil,
Bu əyrilik səndə düzəli torpaq.
 
'''Dağlar'''
 
Utanmasam uşaq kimi ağlaram,
Yamanca düşübdü yadıma dağlar.
İstəyirəm bir ah çəkəm ürəkdən,
Qorxuram alışa oduma dağlar.
 
Qoynunda olanda çəkməmişəm qəm,
Ayrılanda gəlib gözlərimə nəm.
Bəxtimə yar olub, könlümə həmdəm,
Dar gündə yetişib dadıma dağlar.
 
Şirin laylam olub bulağı, çayı,
Unuda bilmərəm bu haqqı-sayı.
Mənim sevgim yoxdur ondan savayı,
Bəhmənəm yazılıb adıma dağlar.
</poem>
 
== Mənbə ==
 
* [[Əli Uluxanlı]]. "Murovun başında qəbrim olaydı" (məqalə), [[Dünya qəzeti]]. 28 yanvar 2011-cu il. № 32-33, səh.15.
 
[[Kateqoriya:Azərbaycan şairləri]]
[[Kateqoriya:Azərbaycanlı şairlər]]
[[Kateqoriya:Kəlbəcərdə doğulanlar]]
[[Kateqoriya:Gəncədə vəfat edənlər]]
[[Kateqoriya:Azərbaycan Yazıçılar Birliyi]]
Mənbə — "https://az.wikipedia.org/wiki/Bəhmən_Vətənoğlu"