'''Spartak''' latınca Spartacus (?-e.ə. 71) -– [[Qədim Roma|Qədim Romada]] qulların ən böyük üsyanının (e.ə. 73 və ya 74-71) başçısı. Mənşəcə [[Frakiya|frakiyalı]] idi. Romalılar Spartakın əsir almış və [[Qladiatorlar|qladiator]] məktəbinə vermişdilər. E.ə. 74 ildə [[Kapuya]] şəhərində qladiator məktəbində Spartakın rəhbərliyi ilə başlanmış üsyana bir çox qaçqın qullar, icarədar kəndlilər də qoşulmuşdu. İstedadlı sərkərdə olan Spartak ciddi hərbi intizama malik güclü ordu (təqr. 70 min nəfər) yaratmışdı. E.ə. 72 ildə [[Roma senatı]] Spartaka qarşı [[Konsul (Qədim Roma)|konsullar]] Q. Lentulun və Q. Gellinin başçılığı altında iki ordu göndərdi. Spartak bu orduları ayrı-ayrılıqda darmadağın etməyə müvəffəq oldu. Spartakın ordusu [[Adriatik dənizi]] sahili boyu irəliləyərək Mutina yaxınlığında Roma prokonsulu Kassinin qoşununu məğlub etdi. Spartakın [[Siciliya|Siciliyaya]] keçmək təşəbbüsü baş tutmadıqdan sonra o, [[Yunanıstan|Yunanıstana]] getmək istəyirdi. Lakin bu dəfə ona qarşı [[Qney Pompey|Qney Pompeyin]] ordusu və M. Lukullun dəstəsi göndərildi. Bu qoşunların birləşməsindən ehtiyat edən Spartak [[Apuliya]] ilə [[Lukaniya]] vilayətinin sərhədində Krassa qarşı həlledici vuruşa girişməyə məcbur oldu və məğlubiyyətə uğradı. Spartak bu döyüşdə həlak oldu. Onun ölümündən sonra üsyan iştirakçılarına amansız divan tutulmuşdu.
Spartaka ədəbi əsərlər (Covanyoli, V. Yan və b.) həsr olunmuş, haqqında [[Amerika Birləşmiş Ştatları|ABŞ]]-da bədii film çəkilmiş, balet yaradılmışdır.
