Ağ kristaldır, m. kütləsi -– 183,2. Dərman kimi işlədilən adrenalin heyvanın böyrəküstü vəzi toxumasından və ya sintetik yolla alınır. Adrenalin qan damarlarını daraldır, [[qan təzyiqi]]ni yüksəldir, [[mərkəzi sinir sistemi]]ni bir qədər oyadır, [[bronxlar|bronxları]] genəldir, [[karbohidrat]] mübadiləsini nizama salır. [[Ürək]] fəaliyyəti zəiflədikdə, qan təzyiqi düşdükdə, yerli keyitmədə adrenalinin [[hidrogen-xlorid duzu]] məhlulu dəri altına vurulur. [[Hipertoniya]] xəstəliyində, [[ateroskleroz]]da adrenalin vurmaq olmaz.