Kartvel dilləri: Redaktələr arasındakı fərq

[[Kartvel dilləri]] - [[Cənubi Qafqaz]]ın qərbində əsasən Gürcüstanda yayılmş dil ailəsi. Bu dil ailəsinin tərkibinə gürcü (və ya kartvel), meqrel (laz və meqrel dilləri birlikdə zan dili adlanır), laz (və ya çan) və svan dilləri daxildir. Xüsusi yaxınlıqlarına və fərqliliklərinə görə bu dillərin dördü də qohum hesab olunsa da üç əsas qrupa ayrılırlar: şimali kartvel qrupu-savn dili, zan qrupu-meqrel və laz dilləri və cənubi kartvel qrupu-gürcü dili. Gürcü dili onlarla ləhçəyə və yüzlərlə şivəyə sahibdir. Yalnız gürcü dilinin yazısı vardır. Kartvel dil ailəsinə aid dillərin ən qədim yazı nümunəsi V əsrdə [[Qüds]]də inşa edilmiş kilsənin üzərində tapılmışdır. Bu yazı qədim gürcü dilində yazılmışdır. Bu dildə olan yazılara V-XI əsrlərdə inşa edilmiş abidələrin üzərində təsadüf edilir. Fonoloji sistemində 6-7 sait və 28-30 samit fonemin olduğu göstərilir.