Məmməd Əliyev (coğrafiyaşünas): Redaktələr arasındakı fərq

Məmməd (Məmməd bəy) Hüseyn oğlu Əliyev

Bakı Dövlət Universitetində geologiya-coğrafiya fakültəsi yarandığı 1944-cü ildən geodeziya və kartoqrafiya fənlərinin tədrisi və inkişafı Respublikanın əməkdar elm xadimi (1946) Məmməd Hüseyn oğlu (Məmməd bəy) Əliyevin adı ilə bağlıdır. Məmməd bəy fiziki coğrafiya kafedrasının yarandığı ilk gündən (1948), ömrünün sonuna kimi kafedranın görkəmli coğrafiyaşünas alimlərilə birlikdə yüksək ixtisaslı kadr hazırlığında fəal iştirak etmişdir.

Professor M.H.Əliyevin geodeziya-topoqrafiya elmi ilə bağlılığı Tiflisdə Yer quruluşu texnikumunda oxuduğu illərdən başlamışdır. Texnikumu bitirdikdən sonra o, Peterburq Ali Hərbi Topoqrafiya məktəbinə daxil olmuş (1899), sonralar 1905-1908-ci illərdə Rusiyanın müxtəlif quberniyalarında topoqraf kimi fəaliyyət göstərmişdir. Daha sonralar isə o, yüksək ixtisaslı mütəxəssis kimi, Beynəlxalq Geodeziya Komissiyasının tərkibində İrana (1913-1914) ezam olunmuş və I- dərəcəli trianqulyasiya şəbəkəsinin yaradılmasında müvəffəqiyyətlə çalışmışdır. O, 1914-cü ildə Tiflisə qayıtmış və uzun müddət (1914-1924) Qafqaz hərbi Topoqrafiya şöbəsində müxtəlif vəzifələrdə çalışmışdır.