Əbülfəz Qasımov: Redaktələr arasındakı fərq
Silinən məzmun Əlavə edilmiş məzmun
Yeni səhifə: {{Şəxslər |şəkil = Əbülfəz Qasımov (Aqil Əliyev. Böyük Alim, Böyük İnsan (2007)).JPG |şəkil məlumat= |şəkil miqyası = 184 |Adı = ƏBÜLFƏZ QASIMOV |Tam Adı =... |
|||
Sətir 18:
==Həyatı==
Azərbaycan Dövlət İqtisad Universitetinin kafedra müdiri, “Şöhrət” ordenli, əməkdar elm xadimi, iqtisad elmləri doktoru, professor, Azərbaycan Yazıçılar Birliyinin üzvü, “Qızıl qələm” mükafatı laureatı Əbülfəz Qasımov.
Əbülfəz Qasımov1931-ci ildə Naxcıvan Muxtar Respublikasının Ordubad şəhərində anadan olmuşdur, 1946-cı ildə Ordubad Pedaqoji Texnikumunu, 1953-cü ildə isə Azərbaycan Dövlət Xalq Təsərrüfatı İnstitutunun plan-iqtisad fakültəsini bitirmişdir. 18 mart 1957-ci ildə o, Moskvada SSRİ EA-nın İqtisad İnstitutunun Elmi Şurasında “Mil-Mugan düzənliklərinin təsərrüfatlarında heyvandarlığın iqtisadiyyatı” mövzusunda namizədlik dissertasiyası müdafiə etmişdir. Dissertasiyanın rəhbəri Stalinlə və digər Sovet İttifaqı başçıları ilə elmi diskussiyalara girmiş, dünyanın tanınmış iqtisadçılarından biri V.Q.Venjer idi.
Ə.Qasımov bu böyük alimin rəhbərliyi altında 3 ildən çox çalışmış və dəyərli tədqiqat əsəri yazmışdır. O, elmlər namizədi alimlik dərəcəsini aldıqdan sonra Bakıya qayıtmış, indiki Azərbaycan Milli Elmlər Akademiyasının İqtisadiyyat İnstitutunda kiçik elmi işçi vəzifəsində çalışmışdır. 1959-cu ildə Əbülfəz Qasımov Bakı Ali Partiya Məktəbinə dəvət olunmuş, burada öz pedoqoji fəaliyyətini həyata keçirərək 47 il ərzində baş müəllim, dosent, professor, kafedra müdiri vəzifələrində çalışmışdır. Professor Ə.Qasımov 1993-cü ildən Azərbaycan Dövlət İqtisad Universitetinin “Aqrar-sənaye müəssisələrinin iqtisadiyyatı və idarə edilməsi” kafedrasının professorudur, 1995-ci ildən isə həmin kafedraya başçılıq edir. O, 1992-ci ilin 19 iyulunda Azərbaycan EA İqtisadiyyat İnstitutunun Elmi Şurasında “Azərbaycanda heyvandarlığın inkişafının iqtisadi problemləri” mövzusunda doktorluq dissertasiyasını uğurla müdafiə etmişdir. Ə.Qasımov Azərbaycan iqtisadiyyatına dair yazdığı bir-birini tamamlayan III cilddən ibarət ilk dərsliklərin müəllifidir. I cild kənd təsərrüfatının iqtisadiyyatına, II cild kənd təsərrüfatında istehsalın təşkilinə, III cild isə kənd təsərrüfatının planlaşdırılmasına həsr edilmişdir.
Əbülfəz Qasımovun gərgin elmi axtarışlarının bəhrəsi olan və müxtəlif illərdə çapdan çıxan “Heyvandarlığın iqtisadiyyatı” (1972), “İqtisadçının məlumat kitabı” adlı sanballı əsərləri, habelə digər alimlərlə birgə yazdıgı “Ərzaq proqramının aktual problemləri”, “Azərbaycanın sosial-iqtisadi inkişafında islahatların rolu” (1998), “İpək yolunun bərpası bəşəriyyətin tərəqqi yoludur” (1999), “Naxçıvan Muxtar Respublikası – nailiyyətlər və problemlər” (2000) adlı iki cildlik ensiklopedik əsəri, “Demokratikləşmə — milli iqtisadiyyatımızın əsasıdır” (2000), “Milli iqtisadiyyatımızın aktual problemləri” (2000), “Bələdiyyələrə elmi-metodik kömək” (2002), “Müstəqil Azərbaycan iqtisadiyyatının aktual problemləri” (2003) kimi ciddi tədqiqatları elmi ictimayyət tərəfindən yüksək qiymətləndirilmişdir.
Əbulfəz Qasımov milli iqtisadiyyatımızın aktual problemlərini tədqiq etməklə yanaşı, bədii-publisistik yaradıcılıq fəaliyyəti ilə də fərqlənir. Çörək mövzusu onun bədii yaradıcılığının şah damarıdır. Onun “Mənim çörəkli dünyam” kitabı bir neçə dildə nəşr edilmişdir, fars və türk dillərində isə öz nəşrini gözləyir. Birinci dəfə bu kitab 1988-ci ildə Azərbaycan dilində, 1989-cu ildə rus, 1993-cü ildə kitabın ikinci nəşri və 2003-cü ildə isə üçüncü nəşri işıq üzü görmüşdür. Həmin kitabın materialları üzrə Moskva, Bakı və Naxçıvanda filmlər çəkilmişdir.
2002-ci ildə Ə.Qasımovun Azərbaycan Dövlət Gənclər Teatrında “Anamın gəlinlik paltarı” pyesi səhnəyə qoyulmuşdur. Bu əsər ulu öndərimiz Heydər Əliyevin milli mentalitetimizi qoruyub, saxlamaq barədə sərəncam və göstərişlərinə həsr edilmişdir. “Tufanda yanan çıraq” pyesi isə İrəvan Dövlət Dram Teatrı tərəfindən səhnəyə qoyulmuşdur.
Əbülfəz müəllim 26 sentyabr 1985-ci ildə Azərbaycan Respublikası Ali Sovetinin fərmanı ilə “Əməkdar təbliğatçı” fəxri adına, 22 yanvar 1991-ci ildə “Əməkdar elm xadimi” fəxri adına, 10 iyul 2001-ci ildə isə “Qızıl qələm” mükafatına layiq görülmüşdür. Azərbaycan Respublikası Prezidentinin 19 dekabr 2001-ci il fərmanı ilə Ə.Qasımov “Şöhrət” ordeni ilə təltif olunmuşdur.
Əbülfəz Qasımovun, onun işləyib hazırladığı iki cildlik kitab “Şərqin qapısı Naxçıvan diyarı” (sosial-iqtisadi oçerk) 75 illik yubileyi ərəfəsində oxuculara təqdim etdiyi çox dəyərli əsərdir.
==Filmoqrafiya==
| |||