03.02.1979-cu ildə Azərbaycan respublikası Ağcəbədi rayon, Yuxarı Qiyamadınlı kəndində anadan olub. Həmin kəndin ermənilər tərəfindən qısamüddətli işğalı ilə əlaqədar orta təhsilini qonşu Boyat kənd orta məktəbində tamamlamışdır. 15 yaşında orta məktəbi müvəffəqiyyətlə bitirmiş və Bakı Dövlət Universitetinin (BDU) Sosial elmlər və psixologiya fakültəsinə daxil olmuşdur. Həmin fakültəni 1999-cu ildə fərqlənmə diplomu ilə, Dahadaha sonra BDU-nun Tarix fakültəsinin qiyabi şöbəsini, BDU-nun Sosial-fəlsəfə ixtisası üzrə magistraturasını bitirmişdir. Tələbə olduğu illər ərzində bir çox mətbuat orqanlarında çalışmış,Az.res.PA nəzdində sosial sorğu mərkəzində fəaliyyət göstərmiş, KİV-də bir sıra rəhbər vəzifələrdə mövqe tutmuşdur. 1998-ci ldən 2002-ci ilədək Azərbaycan Dövlət Dillər Universitetinin tədris şöbəsində mütəxəsis, 2003-2004-cü illər Müdafiə Nazirliyi N saylı H/H-də cəbhə xəttində,baş leytenant rütbəsində tağım komandiri vəzifəsində hərbi xidmət keçmişdir. 2005-2006-cı illərdə İctimai Televiziya və Radio Yayımları Şirkətində Radionun elm-təhsil verilişləri departamentində redaktor vəzifəsində işləmiş. "Qarabağnamə", "Zəng", "Həyat tərzi" adlı radio verilişlərinin müəllifi və aparıcısı olmuşdur. 2006-2008-ci illərdə İTV-də Televiziyanın elm-təhsil verilişləri departamentində redaktor işləyərkən, "Rəqəmsal dünya", "Hüquq müstəvisi", "Teleportret", "Açıq dərs" və. s verilişlərdə redaktor, aparıcı və ssenari müəllifi kimi fəaliyyət gğstərmişdir. 2009-10-cu illər TJİB-ndə ictimaiyyətlə əlaqələr departamentinin direktor müavini vəzifəsində çalışmışdır. 2010-cu ildən Dövlət qulluqçusu kimi təbliğat-təşkilat sahəsində çalışır. II dərəcəli dövlət qulluqçusudur.
