'''Blüz''' ({{lang-en|Blues}} və ya {{lang-en2|Blue Devils}} — "kədər", "qəm") — XIX əsrin sonunda ABŞ-ın cənub-şərqinin afroamerika icmasında "Pambıq zonası" plantasiyalarından çıxmalar arasında yaradılmış [[musiqi forması]] və [[musiqi janrı]].
Blüzün kökləri Afrika mədəniyyətinə uzansa da o Amerika musiqisidir. Onu Avropa və ya Afrikada yayılmış hər hansısa bir müsiqi janrının qolu saymaq olmaz. Blüz musiqisinin yaranmasında dini ideyaların, köləlik dövründə formalaşan xalq mahnılarının və kilsə musiqisinin böyük rolu olub. "Blüz" sözü melanxoliya və kədəri bildirən "blue devils" (mavi şeytanlar) sözlərinin birləşməsində yaranıb. "Blue" kəlməsi Yelizaveta dövründən bəri depressiya və melanxoliya ilə assosiasiya olunub.
Köləlik dövründə zəncilərin çəkdiyi acıları özündə əks etdirən blüz əsasən qəmli musiqidir. Xüsusilə bu dövrdə formalaşan şifahi mahnı mədəniyyətinin blüza güclü təsiri olub. Blüz musiqi janrı kimi ABŞ Vətəndaş müharibəsindən sonra Missisipi deltasında yaranıb.
Bu günə qədərki ən populyar blüz forması 12 barlıdır (ölçülü). Saksofonla ifa olunan blüz cazı xatırladır. Bununla belə gitara, harmonika və banjo (afrika mənşəli musiqi aləti) 3 əsas blüz musiqi aləti hesab olunur. Xüsusilə gitara blüzü klassik cazdan fərqləndirir.
Blüz bir çox müasir musiqi janrına təsir etmişdir. Vaxt keçdikcə [[Rolling Stone]], The Yardbirds kimi blüz ifa edən musiqi qrupları bu musiqini geniş ağdərili kütləyə də çatdırmışlar. [[Erik Klapton]], Roy Buxanan kimi musiqiçilər də blüz janrında gözəl mahnılar ifa etmişlər.
