'''Əlmoravilər'''- (''əl-Murabitun'', yaxud "yaşmaqlananlar"- ''lamtuna'')
== Əlmoravilər Mərakeşdə ==
[[1060]]-cı ildə cənubdan şimala hərəkət edərək [[Atlas dağları]]ndan keçib Məğribdə [[1070]]-ci ildə Mərakeşin əsasını qoyan [[berber]] tayfaları. Söhbət berberlərdən - müasir Mavritaniyada[[Mavritaniya]]da və Rio-de-Oro rayonlarında yaşayan köçəri maldarlardan gedir. Məlumdur ki, Məğribdə xariciliyin sonralar isə şiyəliyin təsiri çox güclü olub. Bütün qaynaqlar da deməyə əsas verir ki, işğalların əsas bəhanəsi din təəsübkeşliyi olub. Həmin bəhanə, yəni din, dolayısı ilə berberlərdə tayfaların birləşməsinin və dövlətin yaranmasının təzahürü idi. Əlmoravilər Mərakeşdə sonrakı işğalları üçün baza yaratdılar. Burada ərəblərlə Əlmoravilərin hərəkətlərində fərqlər də maraqlıdır: əgər birincilər burada heç bir şəhər yaratmadılarsa, və hətta [[Kayravan]]da bəzən dağıntılar da törədirdilər, ikincilər berberlər burada daimi baza yaratmaq ehtiyacı duyurdular. Bu baza Mərakeş oldu. Sonralar XII əsrdə Əlmoravi dövləti yarananda [[Mərakeş]] böyük şəhərə çevrildi. Əlmoravi [[Yusuf İbn Təşvin]] iki əvvəllər düşmənçulik edən şəhəri birləşdirərək [[Fes]] şəhərini yaratdı. Bu şəhər əlmoravilərin Pireney yarımadasına yürüşlərinin bazası oldu. Şərqdə onlar Əlcəzairə qədər nüfuzlarını yaydılar. Lakin onların fəaliyyətlərinin mühüm hissəsi həm də Ərəb İspaniyası ilə bağlıdır.
== Əlmoravilər İspaniyada ==
İspaniya müsəlmanları [[Kastiliya]] kralı [[VI Alfons]] tərəfindən sıxışdırılırdılar və onlar Əlmoravilərdən kömək istədilər. Əlmoravilər, həmişə belə hallarda olduğu kimi, müsəlman həmrəyliyində və [[neofit]] təəsübkeşliyində bulunurdular. Yusuf unutmurdu ki, Əlmoravilər Mərakeşə, dinin müdafiyəsi bayrağı altında gəlmişdilər.
