Könüllü ordu: Redaktələr arasındakı fərq

Silinən məzmun Əlavə edilmiş məzmun
Yeni səhifə: '''Könüllü ordu''' ''(rusça Добровольческая армия)'' 1917-ci ilin noyabrında Antantanın yardımı ilə general M.V.Alekseyev tərəfind...
(Fərq yoxdur)

21:00, 31 oktyabr 2013 versiyası

Könüllü ordu (rusça Добровольческая армия) 1917-ci ilin noyabrında Antantanın yardımı ilə general M.V.Alekseyev tərəfində, keçmiş çar ordusunun zabitlərindən, yunkerlərdən, kazaklardan təşkil olunmağa başlanıb. 27 dekabr 1917(9 yanvar 1918)ci ildə Rostov Don şəhərində rəsmi olaraq, M.V.Alekseyevın ali rəhbərliyi, L.Q.Kornilovun baş komandanlığı və A.S.Lukomskoyun qərargah rəyasəti olmaqla Könüllü ordunun yaradılması barədə elan olundu. 1-ci Könüllü diviziyanın rəisi A.İ.Denikin idi. Fərqləndirici işarə kimi - şinelin və kitelin sol qolunda üçrəngli şevron(Rusiya respublikasının bayrağı). Könüllü ordu (təxminən 4 min süngü və qılınc) A.M.Kaledinin ağ-qvardiyaçı kazakları ilə birlikdə bolşeviklərə qarşı vuruşurdular. Kaledinin süqutundan sonra Könüllü ordu 1918-ci ilin fevralında Rostovu tərk edir və, bolşeviklərə qarşı orada plasdarm yaratmaq məqsədi ilə Kubana çəkilir(Buz yürüşü). Lakin 6 minlik Könüllü ordunun 9-13 apreldə Yekaterinodarı(Krasnodar)tutmaq cəhdi boşa çıxır. Bu döyüşlərdə həlak olan Kornilovun əvəzinə orduya Denikin komandanlıq etməyə başlayır. Dona qayıdan Könüllü ordu burada almanların dəstəklədikləri ataman P.N.Krasnovdan silahla və sursatla kömək alır. Könüllü ordunun özəyini, sonradan diviziyaya çevrilən və adla tanınan dörd alay təşkil edir (Kornilov, Alekseyev, Markov, Drozdov). İyunun sonunda Könüllü ordu (8-9 min) 2-ci Kuban yürüşünü başlayır. Kuban kazaklarının ona qoşulması nəticəsində 1918-ci ilin sentyabrında 30-35 minə çatan Könüllü ordu, 1918-ci ilin sonunda demək olar ki bütün Şimali Qafqazı tutur və Kafqaz könüllü ordusu adlanmağa başlayır. 1918-ci ilin payızından Antanta Könüllü orduya hərtərəfli köməyini gücləndirir, və onun dəstəyi ilə bolşeviklərə qarşı vuruşan qüvvələr Denikinin başçılığı altında Cənubi Rusiyanın Silahlı Qüvvələri kimi birləşir. 1919-cu ilin yanvarında iki hissəyə bölünür: (əsasən kubanlı kazaklardan ibarət)və Tsaritsın istiqamətində hərəkət edən qüvvələr P.N.Vrangelin komandanlığı altında Kafqaz ordusunda birləşmişdilər, Donbassda - general May-Mayevskinin komandanlığı altında isə bilavasitə Könüllü ordunun özü.

Mənbə