Faxralı: Redaktələr arasındakı fərq

Faxralı kəndinin adına dair ilk yazılı məlumatlara hazırda Tbilisi arxivində saxlanılan XV əsrə aid gürcü mənbələrində rast gəlinir. XVII əsrin sonlarından başlayaraq kəndin əhalisi Azərbaycanın xüsusilə [[Qazax]]-[[Gəncə]] və [[Qarabağ]] bölgələrindən, eləcə də [[İran]]dan gəlmələr hesabına xeyli artmışdır <ref>[http://www.faxrali.com Faxralı kəndi haqqında daha ətraflı məlumat (azərbaycan dilində)]</ref>.

2002-ci ildə aparılmış sonuncu siyahıyaalmanın nəticələrinə əsasən Faxralıda 1495 ailədə 6889 nəfər sakin (rayon əhalisinin 12,2%-i) yaşayır ki, onlardan da 47,2%-i kişilər, 52,8%-i isə qadınlardır.<ref>[http://www.statistics.ge/_files/georgian/census/2002/saqartvelos%20soflebis%20mosaxleoba.pdf Gürcüstanda kənd əhalisinin statistik icmalı (gürcü dilində)] </ref> Əhalinin cinsi tərkibində belə disbalans getdikcə miqyaslı xarakter alan əmək miqrasiyası ilə əlaqədardır.

Faxralı əhalisinin sayı baxımından rayonda 1-ci ən böyük kənd, [[Bolnisi]] şəhəri (9938 nəfər) və [[Kazreti]] qəsəbəsindən (7268 nəfər) sonra isə 3-cü ən böyük yaşayış məntəqəsidir <ref>[http://www.statistics.ge/_files/georgian/census/2002/Sinameurneobebi%20da%20maTi%20sabinao%20pirobebi.pdf 2002-ci ildə Gürcüstanda keçirilmiş əhali siyahıyaalmasının nəticələri (gürcü dilində)]</ref>. Əhalinin sayına görə bütövlükdə Gürcüstanda 7-ci yeri tutan Faxralı [[Borçalı]] bölgəsi üzrə təkcə [[Sadaxlı]], [[Qızılhacılı]], [[Martkofi]] və [[Sərtiçala]] kəndlərindən geridə qalır <ref> [http://www.statistics.ge/_files/english/census/2002/rural%20settlements%20with%205%20000%20and%20more.pdf Gürcüstanda ən iri kənd yaşayış məntəqələrinin siyahısı (ingilis dilində)]</ref>.

Əsas təsərrüfatçılıq sahəsi kənd təsərrüfatıdır. 2,5 min hektaradək əkinəyararlı torpaq sahəsinə malik Faxralı (2006-cı ildə [[Borçalı]] bölgəsi üzrə becərilmiş torpaqların 3,6%-i)<ref> [http://www.statistics.ge Gürcüstan Statistika Departamentinin rəsmi internet səhifəsi (gürcü və ingilis dillərində)]</ref> mühüm taxılçılıq, üzümçülük, kartofçuluq və tərəvəzçilik bölgəsi kimi tanınır. Geniş təbii otlaq sahələrinə malik olduğundan maldarlıq və arıçılıq geniş yayılmışdır.