|
*təhsil sahəsində beynəlxalq əməkdaşlığı təşkil və inkişaf etdirmək;
*Azərbaycan Respublikasının qanunvericiliyi ilə Nazirliyə həvalə olunmuş digər vəzifələri yerinə yetirmək.
== Nazirliyin hüquqları ==
Nazirlik öz vəzifələrini və funksiyalarını həyata keçirmək üçün aşağıdakı hüquqlara malikdir:
*təhsilin ayrı-ayrı pillələrinin inkişaf etdirilməsi, konkret sahə üzrə strateji əhəmiyyətli problemlərin həlli üçün analitik təhlillərə əsaslanan inkişaf Proqramları hazırlamaq, onları respublika hökumətinə təqdim etmək;
*təhsil sektoru ilə bağlı normativ hüquqi aktların hazırlanması və təkmilləşdirilməsinə dair təkliflərlə çıxış etmək, öz səlahiyyətləri çərçivəsində, eləcə də müvafiq icra hakimiyyəti orqanları ilə birlikdə qərarlar qəbul etmək, əmr, təlimat, sərəncam və bu kimi digər hüquqi normativ aktlar imzalamaq, onlara hüquqi və təlimati şərhlər vermək;
*səlahiyyətləri daxilində mərkəzi və yerli icra hakimiyyəti orqanlarından, bələdiyyə strukturlarından, fiziki və hüquqi şəxslərdən müəyyən olunmuş qaydada zəruri məlumatlar və arayışlar tələb etmək;
*mülkiyyət və hüquqi-təşkilati formasından asılı olmayaraq Azərbaycan Respublikasında fəaliyyət göstərən bütün təlim-tərbiyə müəssisələrində monitorinqlər keçirmək, onların fəaliyyətinə hüquqi qiymət vermək, tədris müəssisələrində keyfiyyətə dövlət nəzarətini təşkil etmək;
*qanunvericilikdə nəzərdə tutulmuş qaydada təhsil fəaliyyəti üçün xüsusi razılıq (lisenziya) vermək, lisenziya tələblərinə və şərtlərinə əməl olunmanı müntəzəm qiymətləndirmək, lazım gəldikdə onları ləğv etmək;
*Azərbaycan Respublikası qanunvericiliyində nəzərdə tutulmuş qaydada təhsil sahəsində beynəlxalq İnkişaf-yardım fondlarının və təşkilatlarının təsis olunmasında iştirak etmək;
*mövcud qanunvericiliyin tələblərinə uyğun olaraq tenderlər keçirmək, texniki şərtləri müəyyənləşdirmək, onların icrasına nəzarəti təmin etmək;
*"Dövlət qulluğu haqqında" Azərbaycan Respublikasının qanunu və nomenklatur qaydalara uyğun əməkdaşları işə qəbul və ya azad etmək, eləcə də təhsil sahəsində çalışan işçiləri dövlət mükafatlarına və digər təltiflərə təqdim etmək, pedaqoji kadr korpusunun həvəsləndirilməsi və stimullaşdırılması tədbirlərini həyata keçirmək;
*növbəti illər üçün dövlət büdcəsi formalaşdırılarkən sahə üzrə təsdiq olunmuş inkişaf Proqramlarının maliyyə təminatı barədə mərkəzi maliyyə orqanı və respublika hökumətinə əsaslandırılmış təkliflər vermək;
*qanunvericilikdə nəzərdə tutulmuş qaydada təhsil məsələləri ilə bağlı beynəlxalq və dövlətlərarası münasibətlərdə Azərbaycan Respublikasını təmsil etmək, qarşılıqlı əməkdaşlıq haqqında müqavilələr (sazişlər, memorandumlar, bəyannamələr və s.) imzalamaq;
*qanunvericilikdə nəzərdə tutulmuş digər hüquqları həyata keçirmək.
== Təhsil islahatları ==
| 