Javanshir Mamedzadeh

Cavanşir Müsaməddin oğlu Məmmədzadə Azərbaycan teleaparıcısı.

 

1985-ci ilin 19 yanvarında Rusiya Fedrasiyasında dünyaya gəlib. 1992-1996-cı illər Bakının Suraxanı qəsəbəsində yerləşən Xarici Dillər Təmayüllü Gimnaziyada orta təhsil alıb. Daha sonra atasının doğulduğu Gəncə şəhərində təhsilini (1996-2003) davam etdirib. Həqiqi hərbi xidmətdən (2004-2006) sonra, 2007-ci ildə Bakıdakı Qərb universitetin beynəlxalq jurnalistika ixtisası üzrə ali təhsil almağa başlayıb. Bir il sonra Save the Children təşkilatının Gəncə ofisində çalışıb. 2008-ci ilin sonlarından öz ixtisası üzrə işləmək məqsədilə Gəncədə yerləşən Kəpəz Televiziyasında aparıcı-müxbir vəzifəsində çalışıb. Xəbər aparıcısı kimi 4 ildən artıq bir müddətdə çalışan Cavanşir özünü səhər verilişi olan "Hər şənbə" də sınayıb. Hazırda məktəblilər arasında keçirilən intellektual televiziya layihəsinin ("Zirvə") aparıcısı və prodüsseridir. Cavanşir eyni zamanda AzTV-də yayımlanan MAG verilişinin Gəncə müxbiri kimi fəaliyyət göstərib və gənclərlə bağlı süjetlər hazırlayıb. Xəbər aparıcısı olduğu müddətdə Azərbaycanın bir sıra informasiya agentlikləri ilə sıx əlaqələr yaradıb. bir neçə yerli seminarlarda jurnalistika sahəsinin dərinliklərini öyrənən Cavanşir 2009-cu ildə Türkiyənin tanınmış televiziyalarında təcrübə də keçib. Kəpəz televiziyasının hazırladığı sənədli filmlərdə də rol alıb.

 

Mirzə Abbas Abbaszadə (sənədli film) - rus zabiti

 

2012-ci ildə Cavanşirin ABŞ prezidenti Barak Obama aldığı müsahibə böyük maraq doğurmuşdu. Amma sonradan bunun video montaj olduğu və sırf 1 aprel zarafatı kimi qəbul olundu.