'''Mavi diviziya''' ([[ispan dili|isp.]] ''Divisíon Azul'', [[alman dili|alm.]] ''Blaue Division'') və ya [[Vermaxt]]ın '''250-ci İspan könüllüləri diviziyası''' ([[alman dili|alm.]] ''250. Einheit spanischer Freiwilliger'') – [[IIİkinci Dünyadünya Müharibəsimüharibəsi]] illərində alman ordusunun tərkibində [[SSRİ]]-yə qarşı həyata keçirilən hərbi əməliyyatlarda iştirak edən ispan könüllülərindən ibarət hərbi birləşmə. "Mavi diviziya" [[Falanqa]]nın üzvlərindən, İspaniyada [[İspaniya vətəndaş müharibəsi|1936-1939-cu illər vətəndaş müharibəsinin]] veteranlarından və ispan ordusunun əsgərlərindən təşkil olunmuşdu.
== Yaranması ==
[[Fransisko Franko]] [[İspaniya]]nı [[IIİkinci Dünyadünya Müharibəsimüharibəsi]]ndən kənarda saxlamaqla özünün hələ yeni olan hakimiyyətini möhkəmləndirmək və ölkəsinin təhlükəsizliyini təmin etməyi düşünsə də, vətəndaş müharibəsi dövründə [[Adolf Hitler|Hitlerin]] göndərdiyi "[[Kondor Legionu]]"nun ona göstərdiyi yardımın əvəzini çıxmaq məcburiyyətində qaldı. Bu səbəbdən o, yalnız [[Sovet İttifaqı]]na qarşı aparılan əməliyyatlarda iştirak etmək şərtilə, ispan könüllülərinin [[Vermaxt]]ın tərkibində döyüşmələrinə razı oldu. [[24 iyun]] [[1941]]-ci ildə Hitler ispan könüllülərinin göndərilməsi təklifini dəstəklədi və həmin il [[13 iyul|iyulun 13-də]] cəmi 18 104 nəfərdən (2 612 zabit və 15 492 əsgər) ibarət ispan könüllü diviziyası [[Almaniya]]nın [[Qrafenvör]] şəhərinə yollandı. Burada, 5 həftəlik hərbi hazırlıqdan sonra, 250-ci Piyada diviziyası adı altında alman ordusunun tərkibinə qatıldı. Diviziyanın komandiri briqada generalı Aqustin Munyos Qrandes idi.
"Mavi diviziya" öz adını ispan əsgərlərinin vətənlərini tərk edib Almaniyaya yola düşərkən geyindikləri mavi rəngli falanqaçı köynəklərinə görə almışdır. Sonradan onlar alman ordusunun geyimlərində döyüşlərə qatılırdılar, lakin formaların sağ qolunda və kaskaların kənarında İspaniya bayrağı və "España" ({{lang-az|İspaniya}}) sözü əks olunmuşdu.
