Məcnun Abdulvahid oğlu Vahidov [[27 iyul]] [[1946]]-cı ildə [[Ağdaş]]da anadan olub. Milliyətcə ləzgi idi. AzNKİ-nun Neft-mexanika fakültəsini bitirib ([[1969]]) və ömrününü sonuna kimi də bu təhsil ocağında çalışıb. Mancanaq dəzgahların optimal layihələşdirilməsi ilə məşğul olub. 80 elmi əsərin və 10 ixtiranın müəllifidir. Şahmat bəstəçiliyi üzrə idman ustası idi. "Şahmat bəstəçiliyi" və "Karavan mansub na Velikom Şelkovom" kitablarının müəllifidir. [[Azərbaycan şahmatŞahmat federasiyasıFederasiyası]] nəzdində şahmat bəstəçiliyi üzrə komissiyasının sədri və [[Azərbaycan]]ın yığma komandasının kapitanı olub. 200-ə qədər şahmat məsələləri və etüdləri tərtib edib və bunların bir qismi beynəlxalq müsabiqələrdə mükafat qazanıb. Şahmat bəstəçiliyinə aid bir sıra nəzəri məqalələr dərc edib. Həmmüəllifləri ilə birgə o iki yeni mövzu kəşf edib və bunlar şahmat üzrə məlumat kitablarına daxil edilib. Hakimlik dərəcəsi olduğundan o, Bakı, Azərbaycan, SSRİ birinciliklərində və beynəlxalq yarışlarda hakimlik edib. Ədəbi yaradıcılıqla da məşğul olub. O, bir çox yumoristik hekayələrin və "[[Yarımştat (film, 1996)|Yarımştat]]" televiziya tamaşasının müəllifidir. Məcnun Vahidov eyni zamanda [[türkologiya]] ilə yaxından maraqlanıb və bu sahəyə bir neçə maraqlı məqalə həsr edib. Texnika elmləri namizədi, dosent Məcnun Vahidov [[30 aprel]] [[2009]]-cu ildə [Neft Akademiyası[|Neft Akademiyasında]] törədilən terror aktı nəticəsində həlak olub.<ref>{{Sayt Mənbə|title=Məcnun Vahidov|work=kinozal.az|url=http://www.kinozal.az/site/?name=person&adem_id=5033}}</ref>
