Şamil Əzizbəyov: Redaktələr arasındakı fərq

1930-cu ildə Azərbaycan Politexnik İnstitutunu (hazırda ADNA) mühəndis-geoloq ixtisası üzrə bitirmişdir. 1934-1943-cü illərdə Azərbaycan Sənaye İnstitutu petroqrafiya kafedrasında işləmişdir. 1934-cü ildə "Gəncəçay və Qoşqarçayın orta və aşağı axım hövzələrinin dağ süxurları və faydalı qazıntıları" mövzusunda namizədlik dissertasiyası müdafiə etmişdir.<ref>Azərbaycanın geoloq və geofizik alimləri. Bakı: "Nafta -press", 2004. səh. 136</ref> 1938-1941-ci illərdə Geologiya İnstitutunda petroqrafiya şöbəsinə rəhbərlik etmiş və İnstitutun direktor müavini işləmişdir. 1941-1944-cü illərdə EA-nın Azərb. filialının Rəyasət heyətinin sədr müavini olmuşdur. 1943-cü ildə "Kiçik Qafqazın şimal-şərq hissəsinin filiz zonasının petrologiyası" mövzusunda doktorluq dissertasiyası müdafiə edir. 1944-1945-ci illərdə Azərbaycan KP MK neft üzrə katibin müavini olmuşdur. 1945-ci ildə Azərbaycan SSR EA-nın həqiqi üzvü (akademik) seçilmişdir. 1945-1959-cu illərdə M. Əzizbəyov adına Azərbaycan Sənaye İnstitutunun kristalloqrafiya, mineralogiya və petroqrafiya kafedrasının müdiri olmuşdur.<ref>Деятели науки и культуры Азербайджана. Ш.А.Азизбеков: библиография/Сост.: Н.А. Курбанов, Н.Б. Листенгартен; Ред. И.Г. Сафаров.–1966. səh. 8-9</ref> 1942 ildən Sov. İKP üzvü, Azərb. SSR EA vitse-prezidenti və Azərb. SSR EA geologiya-kimya elmləri və neft bölməsinin sədri (1945-1947), Azərb. SSR EA Rəyasət Heyətinin üzvü və Yer elmləri bölməsinin akademik katibi (1959-1976), eyni zamanda Geologiya İn-tunda petrologiya laboratoriyasının rəhbəri (1947-1976) olmuşdur.<ref>Azərb. Sovet Ensiklopediyası, IV cild, Bakı-1980. səh. 147</ref> Ş. Əzizbəyov [[Azərbaycan]]da geologiya elminin inkişafında böyük xidmətləri olan görkəmli alimdir. Elmi əsərləri əsasən [[Kiçik Qafqaz]]ın geologiya və petroqrafiyasına həsr olunub. "Naxçıvan Muxtar Respublikasının geologiyası" adlı sanballı əsəri xüsusi əhəmiyyətə malikdir. [[Coğrafiya]] elminin inkişafında xüsusi rolu olub. Kadr hazırlanmasında, Yer haqqında elmlərin inkişafında mühüm xidməti var. Akademik Ş. Əzizbəyov Qafqazın geologiyasına, maqnetizminə və metallogeniyasına dair bir sıra aktual problemləri həll etmişdir. O, həmçinin müxtəlif mənşəli faydalı qazınti yataqlarının formalaşmasını, onların paylanması qanunauyğunluqlarını tədqiq etmişdir. Naxçıvan MSSR-də (indiki Naxçıvan MR.) və Talışda apardığı geoloji tədqiqatların nəticəsində bu regionların geoloji, tektonik, struktur-formasion xəritələrini tərtib etmişdir. Onun elmi-tədqiqat işləri müxtəlif faydalı qazıntı yataqlarının axtarışı və kəşfi üçün əsas olmuşdur. Çoxcildli "Azərbaycanın geologiyası" monoqrafiyasının müəlliflərindən biridir. Qırmızı Əmək Bayrağı (1953), Qırmızı Ulduz (1944) ordenləri və medallarla təltif olunmuşdur.<ref>Azərb. Sovet Ensiklopediyası, IV cild, Bakı-1980. səh. 147</ref>