Sikstin kapellasının tavanı: Redaktələr arasındakı fərq

=== İsanın sələfləri ===

==== Mövzu ====

Pəncərələr və tağlar arasında dəstək rolunu oynayan böyük pendentivlər arasında, hər tərəfdə altı dənə olmaqla İsanın sələflərinin təsvirləri yerləşdirilmişdir. Əvvəl kapellanın iki baş divarında da pəncərə olmuş, lakin sonradan həmin pəncərələr qapadılmış və altarda Mikelancelo məşhur “Böyük məhkəmə” freskosunu işləmişdir.

 

 

Mikelancelo lunet təsvirlərini tavan təsvirləri sifarişinin tərkibi kimi işləmişdir. Lunetlər tavan və divarlar arasında vizual körpü rolunu oynayır, onların içi isə orta ölçülü (təxminən 2 metrə qədər) fiqurlarla doldurulmuşdur, həmin fiqurlar qrafik olaraq çox böyük ölçülü peyğəmbər fiqurları və daha kiçik ölçülü papa fiqurlarının arasında yerləşir.<ref>Mancinelli, p. 238</ref> Mikelancelo lunetlərin dekorasiyası üçün İsanın sələfləri mövzusunu seçmiş<ref name=OM170>O'Malley, p.170&ndash;174</ref> və beləcə İsanın fiziki nəsil xətti üzrə sələflərini, kilsə doktrinasına əsasən İsanın ruhi xələfləri hesab edilən papaların təsvirlərinin arasında yerləşdirmişdir. <ref>Graham-Dixon 2008, p.&nbsp;137</ref>

Pəncərələrin hər birinin üstündə süni mərmər kimi görünən lövhə dekorasiyaları vardır. Lövhəciklərin üstündə Matfeyin İncilinə əsasən [[İbrahim]]dən [[İosif]]ə kimi isanın ata xətti ilə sələflərinin adları yazılmışdır.<ref group="nb">Lunetlərdə daha uzun olan Lukanın İncilindəki geneologiya yox, bir qədər qısa olan Matfeyin İncilindəki geneologiya izlənmişdir. Bəzi məqamlarda Luka və Matfeyin qeyd etdikləri geneologiya fərqlənir ki, bu zaman da Mikelancelo Matfeyin İncilinə üstünlük verir.</ref> Lakin hazırda İsanın kapellada əks edilmiş genealogiyası natamamdır, çünki, [[1537]]-ci ildə Mikelancelo “Böyük məhkəmə” freskosunu işləmək üçün Sikstin kapellasına qayıtdıqda kapellanın iki baş divarındakı pəncərələri bağlamış, bu zaman iki lunet də məhv edilmişdi.<ref>Graham-Dixon 2008, p.&nbsp;138.</ref> İtirilmiş iki lunetin yalnız qravür nüsxələri dövrümüzə çatmışdır.<ref group="Fig">Dağıdılmış lunetlər: [[:File:Abraham - Isaac - Jacob - Judah.jpg|Abraham / Isaac / Jacob / Judah]] və [[:File:Perez - Hezron - Ram.jpg|Pharez / Hezron / Ram]], Uilyam Yanq Otlinin qravürləri.</ref> Lövhələrdəki adların sıralamasında da ardıcıllıq yoxdur, onlardan birində dörd, digərlərində iki və ya üç, yalnız ikisində isə bir ad var. Bundan başqa, proqress divarın bir tərəfindən digər tərəfinə inkişaf edir, lakin lunetlərin altlarındakı adlar heç də təsvirlərlə üst-üstə düşmür. Bu fiqurlar qarışıq şəkildə müxtəlif ailə münasibətləqini təmsil edir; lunetlərin əksərində bir kişi və ya qadın, onların yanında isə bir və ya bir neçə uşaq təsvir olunub. O'Malli həmin fiqurları təsvir edərkən qeyd edir ki ''“onlar sadəcə təmsili fiqurlardılar”.'' <ref name=OM170/>