Hospis

Hospis (ing. hospice) — ümidsiz xəstələrin layiqli xidmət və qayğı ala biləcəkləri səhiyyə müəssisələridir. Hospisin pasientləri "ev" əşyaları ilə əhatə olunurlar, onlar qohumları və yaxınları ilə sərbəst görüşə bilirlər. Tibb heyəti palliativ kömək göstərir: xəstələt oksigen, ağrıkəsicilər, zond qidalanması və s. alırlar. Həkimlərin sayının minimumu və orta və kiçik tibb heyətinin maksimumu vardır. Hospisdə olmanın əsas məqsədi xəstənin həyatının son günlərini rəngarəng etmək, əazablarını yüngülləşdirməkdir. Bu, humanistik, həm də iqtisadi baxımdan terminal xəstələri intensiv terapiya şöbələrində müaəlicə etməkdən daha sərfəlidir. Lakin postsovet məkanından bu problem hlə də həll olunmayıb, çünki böyük xərclər tələb edir.

Terminin mənşəyi

"Hospis" sözü ingilis dilinə köhnə fransız dilindəm ("hospice") keçmişdir. Öz növbəsində o da latın dilindəki hospes və hospitium ("qonaqpərəstlik") sözlərindən əmələ gəlmişdir. Bu terminlə eramızın VI əsrindən zəvvarların istirahət edə biləcəkləri yerləri adlandıırdılar. İlk hospislər adətən xristian zəvvarların marşrutlarının keçdiyi yollar boyu qurulurdular. Müəyyən mənada bunlar yorğun, xəstə və əldən düşmüş yolçulara qayğı göstərən evlər idi. Lakin hospislər yerli camaata da köməklik göstərirdilər. İngilis dilindən bu söz XIX əsrdə başqa Avropa dillərinə də keçmişdir.