Sarayevo qətli: Redaktələr arasındakı fərq

Avstriya-Macarıstan taxt-tacının vəliəhdi, ershersoq Frans Ferdinandı öldürmək üçün 6 nəfərlik dəstə Sarayevoya göndərilmişdi. Onların arasındakı əsas icraçılar Qavrilo Prinsip, Nedelko Çabrinoviç və Trifko Qrabez idi. Bu 3 şəxs Frans Ferdinandı qətlə yetirdikdən sonra özlərinə sui-qəsd etməli idilər. Bunun üçün də onlara qumbara və tüfənglə yanaşı, zəhərli maddə olan [[kalium sianid]] də verilmişdi. 3 vətənpərvər həm də vərəmdən əziyyət çəkirdilər və ömürlərinin azlığını başa düşürdülər. Buna görə də Dmitriyeviç onları məsləhət görmüşdü. Serbiyanın baş nazirinə qətlin planı məlum idi. O, cinayətin törədilməsindən sonra Bosniya-Hersoqovinanın tezliklə müstəqil olacağına ümid edirdi. Ancaq Avstriya-Macarıstan və Serbiya arasında yaranacaq müharibədən ehtiyat edirdi.

 

Avstriya-Macarıstan İmperiyasının [[Bosniya-Hersoqovina]]dakı qubernatoru general Oskar Potiorek [[28 iyun]]da [[Sarayevo]]da ordunun güc səviyyəsi və manevr qabiliyyətini yoxlamaq üçün hazırlanan hərbi təlimlərə vəliəhd [[Frans Ferdinand]]ı da dəvət etmişdi. [[1914]]-cü il iyunun 28-i, bazar günü səhər saat 10:00-da Frans Ferdinand xanımı ilə birlikdə Sarayevo dəmir yolu vağzalında general Potiorek tərəfindən qarşılandı və tezliklə onları daşıyan 6 avtomobildən ibarət kortej şəhər bələdiyyəsinə doğru hərəkət etməyə başladı.