Azər Turan: Redaktələr arasındakı fərq

'''Azər Turan''' (Əbilov Azər İmamverdi oğlu) — tənqidçi, publisist, Filologiyafilologiya üzrə fəlsəfə doktoru (2010), Azərbaycan Respublikası Əməkdar Mədəniyyət İşçisidir (2005). [[Azərbaycan Yazıçılar Birliyi]]nin və [[Azərbaycan Jurnalistlər Birliyi]]nin üzvü.

Azər Turan 16 sentyabr 1963-cü ildə Neftçalada anadan olub<ref>[http://sia.az/az/news/politics/62468 Tarixin bu günü və ya bu günün tarixi]</ref>. Neftçalada 1 saylı orta məktəbdə təhsil alıb (1970-1980). [[Azərbaycan Dövlət İncəsənət İnstitutu]]nu bitirib (1984). İrkutsk şəhərində hərbi xidmətdə olub (1984-1986). Neftçala İcra Hakimiyyətində müxtəlif vəzifələrdə çalışıb. 1997-ci ildən [[Azərbaycan Yazıçılar Birliyi]]nin və [[Azərbaycan Jurnalistlər Birliyi]]nin üzvüdür. "Yeni Azərbaycan" qəzetində humanitar şöbənin müdiri, Ədəbiyyat əlavəsinin buraxılışına məsul olub (2001-2003). "Ədəbiyyat qəzeti"ndə baş redaktorun müavini (2004), baş redaktor əvəzi (2014) vəzifələrində çalışıb. “Ədəbiyyat qəzeti”nin baş redaktorudur (yanvar 2015). Filologiya üzrə fəlsəfə doktorudur (2010). "Hüseyn Cavid yaradıcılığının ədəbi-fəlsəfi qaynaqları" mövzusunda dissertasiya müdafiə edib (elmi rəhbər akademik Bəkir Nəbiyev). Əməkdar Mədəniyyət İşçisi (2005). Azərbaycan Universitetinin Azərbaycan Milli Elmlər Akademiyası və Azərbaycan Yazıçılar Birliyi ilə birgə təsis etdiyi "Hüseyn Cavid" (2000) və b. mükafatların laureatıdır.

Yaradıcılığa 1981-ci ildə başlayıb. İlk yazıları "Ədəbiyyat və incəsənət" qəzetində dərc olunmuşdur. 40-dan artiq kitabı nəşr olunub. Əli bəy Hüseynzadə və Hüseyn Cavid irsinin tədqiqatçısı kimi tanınan Azər Turan, əsasən, türk düşüncə tarixini tədqiq edir. Mahmud Kaşqarlı, Əhməd Yəsəvi, İsmayıl bəy Qaspıralı, Əli bəy Hüseynzadə, Əhməd Ağaoğlu, Cəmaləddin Əfqani, Yusif Akçura, Mehmet Akif Ərsoy, Hüseyn Cavid, Yahya Kamal Bayatlı, Fuad Köprülü, Nihal Atsız, Rıza Nur, Zəki Vəlidi Toğan, Bəkir Çobanzadə, Çingiz Dağcı, Çingiz Aytmatov və b. barədə silsilə yazıları Azərbaycanda və xarici ölkələrdə dərc olunub. Ərtoğrol Cavidin bütün əsərlərini ("Yazıları, rəsmlər, bəstələri, məktubları" (Bakı, 2005)), Mişkinaz Cavidin "Cavid haqqında xatirimdə qalanlar" (Bakı, 2005), Əli bəy Hüseynzadənin "Əbədi gözəlliklər" (2007), "Seçilmiş əsərləri" ("Şərq-Qərb" 2007), Hüseyn Cavidin bütün əsərlərini əhatə edən ilk Türkiyə nəşrini (Hüseyin Cavid. Eserleri, İstanbul, Küsena Yayınları, 2013), Təkəzadə M.Səidin "Zurubi-əmsal Türkiyyə yaxud Atalar sözü" (2005) kitablarını hazırlamış, həmin kitablara ön söz yazmışdır. Hazırladığı, ön söz yazdığı kitabların sayı iyirmidən çoxdur.

İstanbulda, Ankarada, Moskvada, Tbilisidə, Bakıda keçirilən elmi konfranslarda məruzələrlə çıxış edib.