Cəlal Əliyev (bioloq): Redaktələr arasındakı fərq

 

Cəlal Əliyev 20 may 1926- ci ildə Sabirabad rayonunun Suqovuşan kəndində kəndli ailəsində anadan olmuşdur. İlk təhsilini kəndində almış, təhsilini davam etdirmək üçün Bakı Əczaçılıq məktəbinə daxil olmuşdur. 1949-cu ildə Bakı Dövlət Universitetinin biologiya fakültəsinin əyani şöbəsinə daxil olmuş, 1954-cü ildə bioloq-botanik ixtisası üzrə universiteti bitirmişdir.

Tələbə-laborant ikən ilk eli tədqiqatla məşğul olmuş, elmi ədəbiyyatdan istifadə etmək bacarığı və bitki təyinatında göstərdiyi dəqiqlik yüksək qiymətləndirilmişdir.

1961-ci ildə “Talışın şirin sularının florası, bitkiliyi və onların təsərrüfat əhəmiyyəti” mövzusunda namizədlik dissertasiyasını müdafiə edərək biologiya elmləri namizədi, 1969-cu ildə isə “Azərbaycanın su hövzələrinin florası, bitkiliyi və onların təsərrüfat əhəmiyyəti” mövzusunda doktorluq dissertasiyasını müdafiə edərək biologiya elmləri doktoru elmi dərəcəsi almışdır. 1970-ci ildə professor elmi dərəcəsi almışdır.

Cəlal Əliyev BDU-da laborant, assistent, baş müəllim, dosent və professor, 1967- ci ildən 1992-ci ilədək Botanika kafedrasının müdiri vəzifələrində müvəffəqiyyətlə çalışmışdır. 25 ildən artıq kafedra müdiri olmuş və bu dövrdə özünü bacarıqlı və işgüzar rəhbər kimi göstərmiş, yüksək pedaqoji və elmi keyfiyyətlərini gənc nəslin tərbiyəsinə, elmin inkişafına, respublikada yüzlərlə botanik kadrlarının yetişməsinə sərf etmişdir. Görkəmli alimin elmi tədqiqatları, botanika sahəsində yaratdığı yeni istiqamət və yetişdirdiyi elmi kadrlar ona “Cəlal müəllim məktəbi”nin yaranmasına xidmət etmişdir.

O, 105 elmi və elmi-metodik məqalənin, 5 dərslik və dərs vəsaitinin, 2 monoqrafiyanin, Azərbaycan Sovet Ensiklopediyasında nəşr etdirdiyi 18 məqalənin müəllifidir.

Cəlal müəllimin iştirakı və rəhbərliyi altında 1 doktorluq və 2 namizədlik dissertasiyaları müdafiə olunmuş, görkəmli alim 35-dən çox doktorluq və namizədlik dissertasiyalarına opponentlik etmişdir.

Orta məktəblər üçün 14 çap vərəqi həcmində rus dilində olan “Tərəvəzçilik” kitabını tərcümə etmişdir.

Cəlal Əliyev Sankt Peterburq Gülçülük İnstitutu, M.V.Lomonosov adına MDU-nun botanika kafedrası, Rusiya EA Botanika İnstitutu ilə sıx əməkdaşlıq etmişdir.

Uzun müddət universitetdə Xalq Nəzarəti Komitəsinə başçılıq etmiş, hər cür mənfi hallara qarşı barışmaz mübarizə aparmışdır. Qəbul Komissyasında məsul katib, fakültə dekanının müavini və s. kimi vəzifələrdə həmişə ona göstərilən etimadı doğrultmuşdur.

Xidmətləri yüksək qiymətləndirilmiş, [[Şərəf]] ordeni ilə təltif edilmişdir.

O, AMEA Botanika İnstitutunun doktorluq elmi dərəcəsi almaq üçün çoxsahəli Müdafiə Şurasının üzvü olmuşdur.