Kreasionistlər İncil, Quran və Tövrat kimi dini mətnlərinmətnləri, elmi metodologiya çərçivəsində qalaraq, elmi olaraq sübut etməyin mümkün olduğunu irəli sürürlər. Lakin bir sıra tənqidçilərin rəyinə görə, Tanrı, İblis, cənnət və hətta günah kimi anlayışların elmi olaraq təsdiqini tapa bilməməsi, bunlara əsaslanan kreasionizmin də elmi konsepsiya deyil, metafizik və ya fərqli bir dini sistem olduğunu göstərir. Kreasionizmin elm olmadığını sübut edən digər bir fakt budur ki, konsepsiya proqnoz üstünlüyünə malik deyil - hipotez və nəzəriyyələri olan fizika, kimya, biologiya və s. sahələrdəki istiqamətlərin əksinə olaraq, əvvəldən aşkar edilməmiş hər hansı bir hadisəni, faktı proqnoz edə bilmir, yalnız əldə olan və təsdiqini tapmamış informasiyaların təbliğatını həyata keçirir. Bundan əlavə, kreasionizm Yaradanın özünün necə yaranması və ya mövcud olması sualına elmi cavab verə bilmir; Onun qeyri-maddi, fövqəltəbii, əbədi və əzəli olduğunu iddia edərəksə elmin çərçivəsindən kənarda qalmış olduğunu göstərir.
