Manaf Süleymanov: Redaktələr arasındakı fərq

Əmək fəaliyyətinə Qaradağ neftqaz mədənləri idarəsində mühəndislikdən başlamışdır. [[Azərbaycan Sənaye İnstitutu]]nda assistent, dosent ([[1939]]), institutun neft-qaz yataqları geologiyası axtarışı kafedrasının dosenti olmuşdur. Ədəbi yaradıcılığa [[1947]]-ci ildə [[Azərbaycan (jurnal)jurnalı|«Azərbaycan» jurnalında]] dərc olunan [[Yerin sirri (roman)|«Yerin sirri» romanı]] ilə başlamışdır. İngilis dilindən bədii tərcümələr etmiş, dövri mətbuatda məqalələrlə də çıxış etmiş, bəzən onları «Fərəcoğlu» imzası ilə çap etdirmişdir.

Oxucular onun tərcüməsində [[Cek London]], [[Con Steynbek]], [[O’Henri]], [[M.Kopelen]], [[A.Qrasi]], [[Oqoto]], [[Aleks La Çuma]], [[Y.A.Makmani]], [[P.Abrams]], [[R.Riv]], [[A.Paton]], [[Fillim Altman]], [[S.Samerset Moem]] kimi görkəmli ingilis yazıçılarının əsərləri ilə tanış olmuşlar. [[Azərbaycan Ali Soveti]] Rəyasət Heyətinin Fəxri fərmanı və bir medalla təltif edilmişdir.

Manaf Fərəc oğlu Süleymanov ilk dəfə olaraq Bakı tarixindən, Bakı milyonçuları və qoçularından, [[1918]]-[[1920]]-ci illərində [[Azərbaycan Xalq Cümhuriyyəti]]nin şəxsiyyətlərindən elmi-publisistik kitablar yazıb, nəşr etdirmişdir. Bu kitabların yazılmasında o, keçmiş [[SSRİ]]-nin və Azərbaycandakı Dövlət Arxivlərində 30 ilə yaxın çalışmış qiymətli sənədlər əldə edərək gələcək nəsillərə qiymətli tarix, zəngin ədəbi irs toplamışdır. Bütün bu sənədləri M.Süleymanov yaşam illərində vaxtaşırı [[Salman Mümtaz|S.Mümtaz]] adına Azərbaycan Respublikası Dövlət Ədəbiyyat və İncəsənət arxivində mühafizəyə təqdim etmişdir. Belə ki, o, şəxsi fondundakı sənədlərini ilk dəfə olaraq [[1988]]-ci ildə yuxarıda adını çəkdiyimiz arxivə təqdim etmişdir. Sənədlər əsasında onun 636 saylı şəxsi fondu yaradılmışdır. Şəxsi fondundakı sənədlər nəşr olunan kitablarının müxtəlif variantlarından, xatirələrindən, qeydlərindən, məktublarından ibarətdir.