Bizans imperiyası: Redaktələr arasındakı fərq

Bizansın idarəçiləri özlərini [[Roma İmperiyası|Roma İmperatorluğunun]] gerçək mirasçıları olaraq qəbul etdilər, lakin başqa tərəfdən də Roma ilə əlaqələrini də davam etdirdilər. [[Qərbi Roma İmperiyası|Qərbi Roma İmperatorluğu]] kiçik dövlətlərə ayrılıb parçalanarkən, Bizans İmperatorluğu bütünlüyünü qorumağı bacardı. Beləliklə Bizans İmprratorluğu, klassik [[Yunanlar|yunan]] ve [[Romalılar|roma]] sivilizasiyalarının son mərkəzi oldu.

 

== Tarixi ==

VI əsrdə Bizansda qaynar həyatlı və əhalisi çox olan Konstantinopol, İsgəndəriyyə və Antioxiya kimi şəhərlər qalırdı. Bizansda həm də qüvvətli imperator hakimiyyəti qalmışdı. Bizans İmperiyası özünün ən qüdrətli dövrlərini [[I Yustinian|I Yustinianın]] (527-565) dövründə yaşamışdır. Yustinian Roma imperiyasını əvvəlki sərhədləri daxilində bərpa etməyə və quldarlıq qaydalarını möhkəmləndirməyə cəhd göstərdi. German tayfalarının qurduqları krallıqlarındakı çəkişmələrdən istifadə edən Yustinian onlara qarşı bir neçə hərbi ekspedisiya göndərdi. 20 ildən çox davam edən şiddətli müharibələrdən sonra o, [[Şimali Afrika]]kı Vandal krallığını və İtaliyadakı Ostqot krallığını işğal edə bildi. İspaniyanın cənub hissəsi isə [[vestqotlar]]ın əlindən alındı. Həmin ölkələrdə bundan əvvəl quldarların əlindən alınmış torpaqlar, həmçinin qaçqın qullar və kolonlar keçmiş ağalarına qaytarıldı. Lakin imperiyanın sərhədlərinin genişlənməsi baha başa gəldi. Bizans əhalisi çox ağır vergilər nəticəsində var-yoxdan çıxdı. Fasiləsiz olaraq üsyanlar qalxırdı. Yustinian bu üsyanları qəddarlıqla yatırırdı. Şərqdə İrana qarşı uzun sürən müharibələrdən sonra imperiya ərazisinin bir hissəsini İrana verdi. Yustinianın ölümündən sonra çox keçmədi ki, imperiya Qərbdə işğal etdiyi ərazilərin demək olar ki, hamısını itirdi.