Jorj Küvye: Redaktələr arasındakı fərq

Jorj Leopold Küvye [[23 avqust]] [[1769]]-cü ildə, o zaman Vürtemberqə məxsus olan Mempelqard (Mömpelgard və ya Montbéliard) şəhərində anadan olmuşdur. O, burada dini məktəbdə təhsil alırdı (Küvyenin ailəsi protestant idi) və [[din]] xadimi olmaq istəyirdi, lakin oxuduğu [[gimnaziya]]nın direktorunun ona olan nifrəti Jorjun sonrakı taleyinə də ciddi təsir göstərdi. Sonralar Jorj Küvye [[Ştutqart]]da Karolin (Karlsschule) akademiyasına daxil olmuş, burada o, hələ uşaqlıq dövründən meyl göstərdiyi təbiətşünaslıqla daha dərindən tanış olmaq imkanı verən kameral biliklər fakultəsini seçmişdir.

[[1788]]-ci ildə Küvye [[Normandiya]]da Fikkenvill qalasında qraf d’Erisinin yanında [[ailə]] müəllimi işləyərkən bu qalanın [[dəniz]]in yaxınlığında olmasından istifadə edərək [[dəniz]] canlılarının tədqiqi ilə məşğul olurdu. [[Abbat]] Anri Aleksandr Tesse ilə ilə tanış olan Küvye onun xahişi ilə Tessenin rəhbərlik etdiyi qospitalın həkimləri üçün [[botanika]]dan mühazirələr oxumuşdur. Tessenin vaasitəçiliyi ilə Küvye [[Paris]] [[alim]]ləri ilə tanış olmuş, onların dəvətilə [[Paris]]ə getmiş və burada [[1795]]-ci ildə mərkəzi [[Panteon]] məktəbində [[professor]] vəzifəsini tutmuşdur. Küvye Bitki Bağının müqayisəli [[anatomiya]] müəllimi Jan-Klod Mertrünün köməkçisi təyin edildikdən az sonra [[1796]]-cı ildə Milli İnstitutun üzvü təyin edildi, [[1800]]-cü ildə Collège de France məktəbində təbii [[tarix]] fakultəsinin müdiri, [[1802]]-ci ildə Mertrünün ölümündən sonra isə Bitki Bağında müqayisəli [[anatomiya]] kafedrasının müdiri vəzifəsinə təyin edildi. [[1809]]-[[1811]]-ci illərdə yenidən imperiyaya birləşdirilən ərazilərdə tədris prosesini təşkil etdi, sonralar dövlət şurasında xidmət etmiş və ona [[1822]]-ci ildə [[din]]i fakultələrdə protestantlar üzərində nəzarət tapşırılmışdır.