Toğrul Əsədullayev: Redaktələr arasındakı fərq

1998-2008-ci illərdə Tofiq Quliyev adına 12 saylı UMM-də, 2008-ci ildən bu günə kimi Azərbaycan Milli Konservatoriyasının “İnstrumental Muğam” kafedrasında kamança müəllimi vəzifəsində çalışır.

O, 2005-ci ildə Özbəkistanın Səmərqənd şəhərində “Xalqlararası Şərq Təranələri” festivalında I yerə, 2008-ci ildə Kanadada keçirilən “Niaqara kamera musiqisi” festivalında muğam üçlüyü tərkibində Qran-Pri mükafatına layiq görülmüşdür.

Heydər Əliyev fondunun dəstəyi ilə Azərbaycan Mədəniyyətinin Dostları Fondunun layihəsi əsasında keçirilən “Muğam 2007”, “Muğam 2011”, “Muğam 2013”, “Muğam 2015” Televiziya müsabiqəsində kamança ifaçısı kimi iştirak etmişdir. 2009, 2011, 2013 və 2015 -ci illərdə Qəbələ Musiqi Festivalının iştirakçısı olmuşdur.

Toğrul Əsədullayevin ifa etdiyi “Nəva”, “Bayatı-Şiraz”, “Çahargah”, “Şur”, “Hümayun”, “Rahab” kimi müğamlar Azərbaycan Dövlət Telaradio Şirkətinin Qızıl Fondunda saxlanılır.

2012-ci ildə Azərbaycanda keçirilən “Eurovision 2012” mahnı müsabiqəsinin finalında çıxış edən məşhur müğənni Emin Ağalarovu müşayiət etmişdir.

2015 ci ildə “ Kamança ifaçıları və onların muğam sənətinin inkişafında rolu və əhəmiyyəti ” adlı mövzusunda sənətşünaslıq üzrə fəlsəfə doktorluq dissertasıyasını müdafiə etmişdir.

2015-ci il sentyabrın 14-də Azərbaycan Respublikasının Prezidenti cənab İlham Əliyev tərəfindən “ Əməkdar artist ” fəxri adına layiq görülmüşdür.

1997-ci ildən etibarən ABŞ, Meksika, Kanada, Çin, BƏƏ, İngiltərə, Almaniya, Norveç, İtaliya, Avstriya, İspaniya, Fransa, İsveç, İsveçrə, Yunanistan, Litva, Latviya, Rumıniya, Slovakiya, Polşa, Türkiyə, İran, Ukrayna, Gürcüstan, Özbəkistan, Qazaxstan, Qırğızıstan, Türkmənistan həmçinin Rusiyanın bir sıra şəhərlərində dəfələrlə Azərbaycanın milli musiqisini təmsil etməkdədir.