Şahzadə Mahmud III. Mehmedin Manisa sancaqbəyi ikən Həlimə Sultandan olan oğludur. Babası Sultan III. Murad vəfat etdikdən sonra atası ilə birlikdə İstanbula gəldi. Döyüşkən və cəsur xarakterli olan şahzadə Mahmud olduqca yüksək təhsil-tərbiyə almışdır. Şahzadə Mahmudun dövlət işləri ilə həddən çox maraqlanması və anası Həlimə Sultanla nənəsi [[Safiyə Sultan]] arasındakı sürtüşmələr şahzadəni Sultan III. Mehmedin gözündən düşürdü. Belə ki, Xaçoba döyüşündən sonra Anadoluda Cəlali üsyanları güclənmişdi. III. Mehmed Anadoluya önəmli dövlət adamları və paşaları göndərsə də, üsyanı yatırmaq mümkün olmurdu. Şahzadə Mahmud dəfələrlə atasından üsyanı yatırmaq üçün ordu istəsə də, atası razı olmamışdır. Hətta atasına ''"Məni ordunun başına sərdar olaraq Anadoluya yollayın, görəcəksiniz, qısa müddətdə Anadoluda bir nəfər quldur belə qalmayacaq"'' dediyi rəvayət edilir. Şahzadə Mahmud bu sözləri xoş niyyətlə desə də, əslində onun sonunu hazırlamışdı. Anasının təsirindən çıxmayan III. Mehmed anası [[Safiyə Sultan|Safiyə Sultanın]] ''"əgər Mahmud üsyanı yatırsa və geri dönsə, xalq onu padşah elan edər, sənin sonun olar"'' sözlərinə inanmış və öz doğma oğlunun otağına səhərə yaxın 4 cəllad yollatmışdır. Bu hadisədən sonra dərin peşmanlıq hiss edən sultanın bir gün ovdan qayıdarkən qarşısına çıxan bir dərviş ''"56 gün ömrün qalıb, qafil olma sultanım !"'' deməsi sultanı dərindən sarsmışdır. 37 yaşlı gənc sultan yeyib içməkdən kəsilmiş və 21 dekabr 1603 tarixində, yəni dərvişin dediyi gün ürək çatışmamazlığından (infarkt) vəfat etmişdir.
