Gövhər Sultan (I Əhmədin qızı)

Gövhərxan Sultan (Osmanlı türkcəsi: حاكم ولاية كل سلطان‎)(d. 1608 - ö. 1660) - I. Əhmədin Kösəm Sultandan doğulan üçüncü qızıdır. I. Mustafanın qardaşı qızı, Gənc Osmanın ögey bacısı, IV. Murad və I. İbrahimin doğma bacısı, IV. Mehmedin bibisi və iki ayrı sədrəzəmin arvadı (Öküz Mehmed Paşa və Topal Rəcəb Paşa).

Həyatı

1608-ci ildə Topqapı Sarayında dünyaya gəlmişdir. Gövhər Sultan digər bacıları kimi ailəsi tərəfindən evləndirilmişdir. 1612-ci ildə bacısı Ayşə Sultan 7 yaşında Nasuh Paşa ilə evlənərkən, həmin il Gövhər Sultan hələ 4 yaşındaykən özündən 48 yaş böyük Kaptan-ı Dərya Öküz Qara Mehmed Paşa lə evləndirilmişdir. Öküz Mehmed Paşa 1620-ci ildə vəfat etdikdən 4 il sonra 13 yaşlı Gövhər Sultan Topal Rəcəb Paşa ilə evləndi. Bu evlilik 8 il davam etdi. Rəcəb Paşanın IV. Murad tərəfindən edam edilməsiylə dul qaldı. Sonralar Səyavuş Paşa ilə evləndirilsə də, qısa zaman sonra Paşa vəfat etdi və Gövhər Sultan bundan sonra heç evlənmədi. 1660-cı ildə qardaşı oğlu IV. Mehmedin səltənəti illərində hələ 52 yaşında ikən vəfat etdi və atası I. Əhmədin türbəsinə dəfn olundu.

Övladları

Gövhər Sultanın Öküz Qara Mehmed Paşadan bir oğlu və Topal Rəcəb Paşadan bir qızı olmuşdur.