Qara qanadlı ördək (personaj): Redaktələr arasındakı fərq

Qara qanadlı ördəyə "Qara Plaş" da demək olar. Çünki o, qara, daha doğrusu bənövşəyi plaş geyinir. Cinayətkarlara qarşı mübarizə aparır.
Onun Qosalin adında 9 yaşlı,nadinc bir qızı var. Bu da onun öz doğma qızı deyil, övladlığa götürülmüş qızıdır. Çünki uşaq lap kiçik yaşlarında doğma valideynlərini itirmişdi. Bu yaşınadək o, babası ilə yaşayırdı.

Bəzən cinayətlə mübarizə işlərində atasına kömək etmək istəyir. Məlumdur ki, bu, uşaq işi deyil. Ona görə də atası Qusyonaya bu işi görməyə icazə vermir. Qosalin həqiqi və sadiq dostdur.
Qonşu Madlfutlar ailəsinin kiçik oğlu Qoqa Qusyona(Qosalin)ilə yaşıddır. Qoqa 9 yaşlı məktəbli oğlandır.Qusyona ilə bir sinifdə oxuyurlar. Onu digərlərindən fərqləndirən əsas cəhəti odur ki, yaş səviyyəsi üçün çox yüksək olan intellektə (zəkaya) malikdir. Qoqa isə qısaqol yaşıl köynək geyinir. O, eynək taxır. Lazım olanda Qara Plaşa kömək edir. Çoxlu kitab oxuyur. Qosalin super qəhrəman roluna girəndə o da köməkçi rolunu oynayırdı. O da Qosalin kimi mehriban və həqiqi dostdur.
Qoqanın böyük qardaşı Tank Madlfutdur. Tank 12-13 yaşlı məktəblidir. Xasiyyətcə çox kobud və dalaşqandır. Kiçik qardaşı Qoqaya göz verib işıq vermir. Çünki o, çox yaxşı bilir ki, Qoqa ondan daha ağıllıdır.
Tank və Qoqanın valideynləri Qara Plaşın qonşuları Herbert və Binki Madlfutlardır. Herbert Qoqanın atasıdır. Təxminən Qara Plaşla yaşıddır(Qara Plaşın 37 yaşı var). Xeyirxah, mehriban, zəhmətkeş və qonaqpərvərdir. Binki Madlfut-Herbertin arvadı, Qoqa və Tankın anasıdır. Yaşca Herbertdən bir qədər kiçikdir. Evdar qadındır. Mehriban, xeyirxah və sadəlöhvdür. Onun Trudi adlı əkiz bacısı var. Madlfutlar Qara Plaşı "Dreyk Mallard"adı ilə tanıyırlar. Qoqa ailənin yeganə üzvüdür ki,Qara Plaşın sirlərini bilir. Odur ki, bütün Sen-Kanarın "Qara Qanadlı Ördək"adı ilə tanıdığı naməlum "şəxsin" qonşu Dreyk olması da Qoqaya aydındır. Əvvəllər Dreyk bu qonşularını bəyənmirdi. Lakin sonradan o, qonşularına başqa gözlə baxmağa başladı.