Azər Turan 16 sentyabr 1963-cü ildə Neftçalada anadan olub<ref>[http://sia.az/az/news/politics/62468 Tarixin bu günü və ya bu günün tarixi]</ref>. Neftçalada 1 saylı orta məktəbdə təhsil alıb (1970-1980). [[Azərbaycan Dövlət İncəsənət İnstitutu]]nu bitirib (1984). Neftçala İcra Hakimiyyətində müxtəlif vəzifələrdə çalışıb. "Yeni Azərbaycan" qəzetində humanitar şöbənin müdiri, "Ədəbiyyat" əlavəsinin buraxılışına məsul redaktoru olub (2001-2003). "Ədəbiyyat qəzeti"ndə baş redaktorun müavini (2004), baş redaktor əvəzi (2014) vəzifələrində çalışıb. “Ədəbiyyat qəzeti”nin baş redaktorudur (yanvar 2015). Filologiya üzrə fəlsəfə doktorudur (2010). "Hüseyn Cavid yaradıcılığının ədəbi-fəlsəfi qaynaqları" mövzusunda dissertasiya müdafiə edib (elmi rəhbər akademik Bəkir Nəbiyev). Azərbaycan Universitetinin Azərbaycan Milli Elmlər Akademiyası və Azərbaycan Yazıçılar Birliyi ilə birgə təsis etdiyi "Hüseyn Cavid" (2000), Mədəniyyət və Turizm Nazirliyinin "Qızıl Kəlmə" (2015) mükafatlarının laureatıdır. 22 yanvar 2015-ci ildə [[Ədəbiyyat qəzeti]]nin baş redaktoru təyin edilib.<ref>[http://medya.az/azər-turan-ədəbiyyat-qəzetinin-bas-redaktoru-təyin-edilib/ Azər Turan “Ədəbiyyat qəzeti”nin baş redaktoru təyin edilib]</ref>
