''' Meydan TV ''' — [[10 mart]] [[2013]]-cü il tarixində Emin Milli, Həbib Müntəzir və Camal Əli tərəfindən yaradılmışdır. İlk dəfə [[15 may]] [[2013]]-cü il tarixində peyk vasitəsilə yayımlansa da həmin tarixdən etibarən [[Azərbaycan]]da Meydan TV-nin yayımlamasına müdaxilə edilir və yayımın qarşısı alınır. Kanal bir neçə gəncin təşəbbüsü ilə Azərbaycan azad bir platformanın yaranması məqsədini ortaya qoyub. Meydan TV hazırda ölkənin ən müstəqin medialarından biri hesab edilir.
Təsisçilərininin sözlərinə görə, məqsədi [[Azərbaycan]]da ifadə azadlığının genişlənməsi, ictimai müzakirələrin təşkili və mədəni mühitə töhvə verməkdir.
Meydan sözü ifadə azadlığı uğrunda mübarizənin rəmzidir. Meydan TV son illərdə Azərbaycan xalqının itirdiyi bir çox özünifadə meydanlarını özünə qaytarılmasına xidmət edən bir mətbuat orqanıdır.
Məqsədi [[Azərbaycan]]da ifadə azadlığının genişlənməsi, ictimai müzakirələrin təşkili və mədəni mühitə töhvə verməkdir. Meydan TV yayımı peşəkar jurnalistika tələblərinə əsaslanan ictimai-siyasi və mədəni proqramlardan ibarətdir. Tamaşaçılara Azərbaycanla bağlı alternativ və yaradıcı ictimai müzakirələr təqdim edilir. Fərqli qütblərdə olan insanların müxtəlif məsələlərlə bağlı muzakirələri təşkil edilir.
[[Azərbaycan]]da yerli kütləvi informasiya vasitələrində media azadlığının vəziyyəti ildən ilə pisləşir. Hazırkı hakimiyyət media bazarında siyasi və kommersiya monopoliyasını gücləndirir. Azərbaycanlıların əksəriyyəti informasiyanı yalnız hakimiyyətin nəzərati altında yayınlanan media vasitələrdən əldə edə bilir. Geniş auditoriyaya çıxışı olan bütün kütləvi informasiya vasitələri əsasən İlham Əliyev və onun xanımı Mehriban Əliyevanın fəaliyyətini işıqlandırır. Tənqidi proqramlar təzyiqlərə məruz qalır və proqramın əməkdaşları döyülmək, şantaj və həbs olunmaq təhlükəsi ilə qarşılaşırlar.
Məqsədi insanlar üçün mədəniyyət, tarix, siyasət və digər mövzular barədə sərbəst danışmağa, dinləməyə və müzakirə etməyə meydan, platforma yaratmaq olan kanalın hədəfi, ifadə azadlığını təşviq etmək, ictimai debatları zənginləşdirmək, Azərbaycanın tarixi və gələcəyi haqqında intellektual müzakirələri inkişaf etdirməkdir.
