Vaqif Quliyev: Redaktələr arasındakı fərq

Vaqif Sabir oğlu Quliyev [[1957]]-ci il fevral ayının 22-də [[Salyan]] şəhərində anadan olmuşdur. 1973-ci ildə orta məktəbi bitirib həmin il Azərbaycan Dövlət Universitetinə ([[Bakı Dövlət Universiteti]]) daxil olub. 1978-ci ildə Universitetin Mexanika-riyaziyyat fakültəsini fərqlənmə diplomu ilə bitirmişdir.1983-cü ildə Bakı Dövlət Universitetinin Mexanika-riyaziyyat fakültəsinin müdafiə şurasında "Sinqulyar inteqral operatorların tədqiqi" mövzusunda namizədlik dissertasiyası müdafiə edib. 1983-cü il 22 iyun SSR-i Nazirlər Soveti yanında Ali Attestasiya Komissiyasının qərarı ilə fizika-riyaziyyat elmləri namizədi elmi dərəcəsinə layiq görülmüşdür. 1987 və 1991-ci illərdə V.A. Steklov adına Riyaziyyat İnstitutunda elmi stajkeçmədə olmuşdur. 1993-cü il 19 mart Azərbaycan Respublikası Ali Attestasiya Komissiyasının qərarı ilə dosent elmi adına layiq görülmüşdür. 1994-cü il Moskva şəhərində V.A. Steklov adına Riyaziyyat İnstitutunun ixtisaslaşdırılmış müdafiə şurasında "Интегральные операторы в пространствах функций на однородных группах и на областях в" mövzusunda doktorluq dissertasiyasını müdafiə etmişdir. 1994-cü il 8 iyul Rusiya Federasiyasının Ali Attestasiya komissiyasının qərarı ilə fizika-riyaziyyat elmləri doktoru elmi dərəcəsinə layiq görülmüşdür. 1997-ci il 28 fevral Azərbaycan Respublikası Ali Attestasiya Komissiyasının qərarı ilə professor elmi adını almışdır. 2014-cü il 30 iyun AMEA-nın müxbir üzvü seçilmişdir.