Oykonim türk etnonimi və oba "müvəqqəti yaşayış yeri" komponentlərinin birləşməsindəndir<ref>[http://www.budaq.com/index.php?option=com_content&view=article&id=133:t&catid=22:books-viii&Itemid=87 Akademik Budaq Budaqovun Şəxsi Web Portalı]-Azərbaycanın Lənkəran regionu Toponimlərinin İzahlı Lüğəti Kitabı</ref>.
Türkoba kəndi 1284-cü ildə Elxanlılar sülaləsi tərəfindən Mərkəzi Asiyadan Azərbaycana, o cümlədən Talış ərazisinə köçəri türk tayfalarının köçürülməsi nəticəsində salınıb. Bununla bağlı əsas mənbələrdən biri Elxanlıların (Hülakülər) vəziri Fəzlullah Rəşidəddinin "Cami ət-Təvarix" əsəridir və orada bu əraziyə köçürülmüş müxtəlif tayfaların və yerlərin adları, o cümlədən Türkoba adı qeyd edilir. Talış ərazisində bir sıra obalar salan köçəri boylardan birinin Türkobanı məskunlaşdırdığı bildirilir. Bu barədə bir sıra müasir araşdırmalarda, o cümlədən bölgənin tarixini və toponimlərini araşdıran kitablarda da qeyd edilir. Məsələn, Mirhaşım Talışlının "Lənkəran" adlı kitablnda və digər əsərlərdə bu barədə ətraflı məlumat verilir. Qeyd edilən tarixdə Talış ərazisində məskən salan və din baxımından Tenqriçi olan həmin köçəri türk-monqol tayfaları İslam dinini və oturaq həyatı ətrafda yaşayan talışlardan mənimsədikləri üçün tədricən talışların güclü mədəni təsirinə və assimilyasiyasına məruz qalıblar.
