Qəbələ şəhər stadionu: Redaktələr arasındakı fərq

Qəbələ şəhər stadionu [[1985]]-ci ildə Tütün Fermentləmə Zavodunun nəzdində tikilib istifadəyə verilib. Ərazisi 6 hektardır. Stadionda əsas meydança ilə yanaşı, kiçik məşq meydançaları da mövcuddur. [[2005]]-ci ildən etibarən stadionun bərpasına başlanılıb. Həmin dövrdə plastik oturacaqlar yerləşdirilib və tamaşaçı tutumu 2 minə bərabər olub. Eyni zamanda ot örtüyü də yenilənib. [[2006]]-cı ildə müasir tələblərə cavab verən soyunub-geyinmə otaqları, su problemini aradan qaldırmaq üçün artezian quyuları və idmançıları fiziki hazırlıqlarını artırmaları üçün trenajor zalı istifadəyə verilib. [[2007]]-ci ildən etibarən stadionun əsaslı təmir edilməsi qərara alınıb. Bu məqsədlə əsas meydançanın yanında yardımçı meydançanın inşasına başlanılıb. Yardımçı meydança hazır olduqdan sonra əsas meydança əsaslı təmirə bağlanacaq və Avropa standartlarına tam cavab verən tələblərlə yenidən qurulacaq. Ot örtüyü dəyişdiriləcək, tribuna salınacaq və elektor tablo yerləşdiriləcək. Paralel olaraq süni örtüklü meydançalar da inşa ediləcək.