'''Texnologiya''' - yunan sözü olub, "techne" (bacarıq) və "logos" (öyrənmə) sözlərindən yaranmışdır. Məhsulun hazırlanması bacarığı, istehsal proseslərinin yerinə yetirilməsi üçün üsul və vasitələr haqqında [[bilik]]lər toplusu. Bu nöqteyi-nəzərdən kompyuter texnologiyası baxılan sahədə [[kompyuter]] texnikasının aparat və proqram vasitələrindən istifadə texnologiyası deməkdir. Texnologiya nədir?
Sualı cavablandırmaq və onun cəmiyyətimizdə hal-hazırkı vəziyyətindən danışmaq istərdim. İlk öncə bu termin haqqında olan tərifi nəzərinizə çatdırmaq istədim. Texnologiya (yunanca techne və loqos – məfhum, elm) istehsal proseslərini həyata keçirmək üçün üsul və vasitələri haqqında biliklərin məcmusu, habelə bu üsulların özüdür.
Modern dövrdə çox mühüm bir sahə olan “texnologiya” günü-gündən inkişaf edir. Texnologiyanın, xüsusən 21-ci əsrdə nail olduğu inkişaf inanılmaz ölçüdədir. Belə ki, texnologiya artıq həyatımızın hər sahəsində mətbəxdə, iş otağımızda, salonda, küçədə özünü göstərməkdədir.
Texnologiyanın həyatımıza gətirdiyi yeniliklər həyatımızın ən mühüm hissələrindən biridir. Texnologiya sayəsində insanlar artıq hər yerdən internetə girə bilir və bütün dünyada yaşanan hadisələrdən anındaca xəbərdar ola bilirlər. Bir fikirləşin, əvvəllər bir kitabı tapmaq üçün bir neçə saat kitabxanalarda kitab axtarırdıq, amma indi internet vasitəsilə bir neçə saniyə ərzində həmin kitabı tapa bilirik. Texnologiya sayəsində ictimai şüurumuz da artmaqdadır. İnsanlar çevrələrində olan hadisələrə qarşı daha həssas hala gəlməkdədir. Televiziya, radio, internet, kütləvi informasiya vasitələri problemlərə daha böyük seqmentlər şəklində xitab edilməsini, eyni anda bir çox insanın məlumatlandırılmasını və məqsədə gedən yolun daha sürətli addımlarla irəliləməsini təmin edir. Texnologiyanın olmadığı bir sahə demək olar ki, yox dərəcəsindədir. Mətbəxdə istifadə etdiyimiz cihazların çoxu, evimizin salonundakı televizor, internet, iş yerində istifadə olunan cihazlar ve daha ağlımıza gəlməyən bir çox cihaz və aparatlar texnologiyanın məhsuludur. Bunların hamısı insan həyatını daha da asanlaşdırıb, ona rahatlıq bəxş edir. Deməli, “Texnologiya”nın əsas prioritet vəzifəsi insanın ictimai həyatında gedən prosesləri maksimum dərəcədə asanlaşdırmaqdır. Məqsədimiz inanclı şəxslərin “İnformativ texnoloji” biliklərini artırmaq və bu yolda onlara istiqamət verməkdir. Çünki elm paylaşdıqca artan sərvətdir. Ümid edirəm ki, inanclı şəxslərimiz elmin bu sahəsinə olan marağı artacaq və günü-gündən bu sahə üzrə öz biliklərini inkişaf etdirəcəklər.
