Eduard Bulver-Litton: Redaktələr arasındakı fərq

'''Eduard Bulver-Litton''' (25.5.1803, [[London]] –18.1.1873, Devonşir qraflığı, [[Torki]]) – ingilis yazıçısı, siyasi xadim. [[Kembric]]<nowiki/>də Triniti-kollecdə oxumuşdur. 1831–41-ci illərdə viqlər və 1852 ildən Torilər partiyasından parlamentin üzvü; [[İngiltərə]] lordu, per (1866) olmuşdur. 1820 ildən C. Bayronun təsiri ilə şeir yazmağa başlamışdır. “Folklend” adlı ilk romanı 1827 ildə çap edilmişdir. “Pelem, yaxud Centlmenin sərgüzəştləri” (1828) macəra-satirik romanı ilə şöhrət qazanmışdır. 30-a yaxın roman yazmışdır. “Yucin Eram” (1832) romanı və “Pompeinin son günləri” (1834), “Riensi, yaxud Sonuncu Roma tribunu” (1835), “Harold, yaxud Saksların sonuncu kralı” (1848) tarixi romanları daha məşhurdur. Elmi rasionalizmi (o cümlədən Ç. Darvinin nəzəriyyəsini) inkar etmiş, təxəyyülün gücünə və okkultizm təcrübəsinə inanmışdır (“Zanoni”, 1842, “Qəribə əhvalat”, 1862 romanları). B. detektiv janrının (“Pol Klifford”, 1830), həmçinin roman-antiutopiyanın (“Gələcək irq”, 1870) əsasını qoyanlardan biri olmuşdur. “Rişelye, yaxud Sui-qəsd” (1839), “Pul” (1840) və s. tarixi pyes və melodramların müəllifidir. Bulver-Littonun yaradıcılığının Ç. Dikkens, U. Kollinz, E.Po, N. Qotorn və F.M. Dostoyevskiyə təsiri olmuşdur.<ref>Bulver-Litton// [[Azərbaycan Milli Ensiklopediyası]] (25 cilddə). — V cild. Bakı, 2009. — Səh.: 73.</ref>