'''Bakteriofaqlar''' (yunan. ''bakterion'' - çöp, çubuq, ''phagos'' - həzm etmək) - bakteriyanı yoluxduran və onu məhv edən [[viruslar]]. Bir çox bakteriyaların (o cümlədən patogen və saprofit), eləcə də aktinomisetlərin və göy-yaşıl yosunların xüsusi bakteriofaqları tapılmışdır. Bakteriofaqlara insan və heyvan bağırsağında, bitkidə, torpaqda, suda, peyində və s. yerlərdə rast gəlinir. Bakteriofaqlar bakteriya hüceyrəsinə ferment ifraz edərək hüceyrə qılafını həll edir və onun daxilinə keçir. Virusda olan nuklein turşularının təsiri nəticəsində bakteriyada zülalların sintezi başlayır. Torpaqda mikrobioloji proseslərin ([[denitrifikasiya, ammonifikasiya, azot fiksasiyası]] və s.) gedişinə torpaq mikroorqanizmlərinin bakteriofaqları böyük təsir göstərir.
