Limitləşdirici

Sınırlayıcı (en. delimiter), (ru. разделитель / органичитель), (tr. sınırlayıcı / ayırıcı).

• 1. Proqramlaşdırmada: kompüter proqramının xüsusi hissəsinin başlanğıcını və sonunu işarələyən simvol. Məsələn, /* və */ simvolları C dilində şərhin başlanğıcını və sonunu göstərən ayırıcılardır. Bir çox proqramlaşdırma dilində adi dırnaq (“”), yaxud tək dırnaq (‘’) işarələrindən simvollar sətrinin sınırlacısı kimi istifadə olunur.
• 2. Verilənlər yığınında: ayrı-ayrı elementləri seçdirmək üçün xüsusi simvol. Aşağıdakı misalda verilənlər bazasının yazılarının sahələrinin vergüllə necə ayrılması göstərilib (hər bir ədədi olmayan sahə dırnağa alınıb).

  “Azərbaycan”, AZ1001, “Bakı”, “Azadlıq küçəsi”, 10;
  “Azərbaycan”, AZ1221, “Bakı”, “Təbriz küçəsi”, 4;

Verilənlər bazalarında çox zaman iki növ ayırıcıdan istifadə olunur: sahə ayırıcıları və yazı ayırıcıları. Yuxarıda verilmiş misalın hər iki sətrindəki vergüllərin hər biri sahə ayırıcısıdır, çünki o, bir verilənlər sahəsini digərindən ayırır. Hər bir sətrin sonundakı nöqtə-vergül isə yazı ayırıcısıdır, çünki o, bir yazını digərindən ayırır. Tabulyasiya simvolları, karetin dönüşü simvolları və ya iki nöqtə ayrıcı ola bilər.

Ədəbiyyat

• İsmayıl Calallı (Sadıqov), “İnformatika terminlərinin izahlı lüğəti”, 2017, “Bakı” nəşriyyatı, 996 s.

Həmçinin bax

• C proqramlaşdırma dili
• Proqramlaşdırma
• Proqramlaşdırma dilləri