'''The Marshall Mathers LP 2''' amerikalı [[rep]]çi [[Eminem]]in 8-ci albomu,[[The Marshall Mathers LP]] albomunun davamı. 24 May 2012-də Eminem yeni albomu üzərində işləməyə başladığını bildirdi.[1][2] 30 İyun 2012-də sahibi olduğu Shade 45 radiyosunda [[DJ Whoo Kid]]in verilişinə qatılan Eminem, yeni albomun artıq formalaşdığını və [[Dr. Dre]]nin də albomda yer alacağını bildirdi.[3][4] Həmin ilin İyul ayında, [[The Truth About Love]] albomundakı "Here Comes the Weekend" mahnısında [[Pink]]lə duet oxudu. 8 Fevral 2013-də [[Billboard]]-a müsahibə verən [[Shady Records]] prezidenti ve Eminemin meneceri [[Paul Rosenberg]], Eminemin 8-ci studiyo albomunun 2013-də yayımlanacağını bildirdi.[5] 22 Mart 2013-də Power 106 radiyosunda qatıldığı verilişidə Dr. Dre, Eminemin albomu bitirməkdə olduğunu söylədi.[6] Albom [[MTV]],[7] [[Complex]][8][9] və [[XXL]] tərəfindən "2013-ün Ən Maraqla Gözlənilən Albomları" arasında göstərildi.[10]
Vokallarında [[Liz Rodrigues]]in yer aldığı ve prodüseri [[DJ Khalil]] olan "Survival" adlı mahnı, 14 Avqust 2013-də [[Call of Duty: Ghosts]] video oyununun reklam videosu ilə birgə ilk dəfə yayımlandı. Həmçinin, mətbuat konfransında sənətçinin 8-ci albomunun ilk mahnısının yaxında yayımlanacağı bildirildi.[11][12] 25 Avqust 2013-də gerçəkləşən [[MTV Video Musiqi Mükafatları]]nda Eminemin The Marshall Mathers LP 2 adını daşıyacaq 8-ci albomunun 5 Noyabr 2013-də yayımlanacağı bildirildi.[13] Albomun ilk single-ı "Berzerk", 27 Avqustda yayımlandı.[14] Mahnı [[Canadian Hot 100]]-də iki[15] və [[Amerikan Billboard Hot 100]]-də üç nömrəyə yüksəldi.[16] Ardından "Rap God" və [[Rihanna]] ilə duet "The Monster" mahnıları yayımlandı.
The Marshall Mathers LP 2, 5 Noyabr 2013-də satışa çıxdı. Albomun standart versiyasında 16 mahnı yer aldığı halda, iki disklik delüks versiyasında 21 mahnı yer aldı. Albom, Eminemin [[ABŞ]]-da bir nömrə olan 7-ci albomu oldu.[17] [[Böyük Britaniya]]da isə [[UK Albums Chart]]-a birinci sıradan girən albom, Eminemin [[İngiltərə]]də zirvəyə oturan ardıcıl yeddinci albomu oldu. Eminem beləliklə bu uğuru əldə edən ilk amerikalı sənətçi oldu.[18]
