Yoxlama

Yoxlama

1)bir işin düzgün və qanuni olub-olmadığını, yaxud ümumiyyətlə, bir şeyin həqiqi vəziyyətini aydınlaşdırmaq üçün aparılan təhqiqat, təftiş, araşdırma. Məsələn, sənədləri yoxlamadan keçirmək;

2)sınaq, sınama, imtahan, müayinə. Məsələn, bu cür yoxlamalar şagirdləri sözlərdə hərf buraxmaq və sözləri təhrif etmək kimi nöqsanlardan xilas edir;

3)təhsildə – şagird və tələbələrin bilik, bacarıq və təcrübəsinin müəyyən edilməsi, təhsil prosesinin tərkib hissəsi. Yoxlama şagird və tələbənin tədrisin mənimsənilməsində fəal iştirakını təmin edir, onda özünənəzarət bacarığı aşılayır. Müxtəlif olur: yazılı və şifahi; cari (gündəlik) və yekun yoxlamaları (imtahan). Yoxlama zamanı bir qayda olaraq, biliyə qiymət verilir.

Ədəbiyyat

• R.Əliquliyev, S.Şükürlü, S.Kazımova. Elmi fəaliyyətdə istifadə olunan əsas terminlər. Baki, İnformasiya Texnologiyaları, 2009, 201 s.