Ad günü (film, 1977): Redaktələr arasındakı fərq

 

==Film haqqında==

*[[Rasim Ocaqov]]: "Ad günü"nün ssenari variantında qəhrəman ümumi mənada [[azərbaycanlı]]dır. [[Moskva]]ya gedib Mərkəzi Poçtda bir qadınla görüşür. Rejissor ssenarisini işləyəndə mən [[Rüstəm İbrahimbəyov|Rüstəmə]] dedim, nəyimizə lazımdır Moskva? Qoy qəhrəman Mustafa adlı bir şəkili olsun, [[Bakı]]ya gəlib şəhərli qadınla görüşsün. Heç ağlıma gəlməzdi, bu da başıma bir əngəl olacaq. Film Ümumittifaq Mərkəzi Televiziyası ilə nümayiş etdiriləndən sonra, şəkililər o ki var, dalımca söydülər. "Bu nədi, bizi biabır eləyib. Atası Şəkidə adla olan bir kişinin oğlu, Şəkinin çörəyini yeyib-böyümüş bu adam, bütün İttifaqa şəkilini səfeh kimi təqdim eləyib. Yəni şəkili bu qədər əfəl oldu ki, gözəl bir xanımın dəvətiylə gecə onun evinə getsin, sonra da heç bir şey eləmədən yağışın altında yetim kimi bayıra atılsın?!". Bu sözləri evdən də, tanış olanlardan da, tanış olmayanlardan da eşidirdim. Açığını deyim, qaçırdım bu söz-söhbətlərdən, bezmişdim. Elə o filmdən sonra tövbə elədim Şəki mövzusuna bir daha qayıtmağa. Yalnız iyirmi ildən sonra "Həm ziyarət, həm ticarət" filmində yenidən şəkili Mustafanı ekrana qaytardım. Yenə əfəl sifətində. Yadınızdadır da, onu İstanbulda uşaq kimi aldadıb soyurlar. Film ekranlara çıxandan sonra gözlədim, yenə həmyerlilərim məni danlayıb-qınayayaqlar. Amma belə olmadı. Ya bu illər ərzində mən dəyişmişdim, ya da bizim yerlərin camaatı. "Ad günü"nün başqa sərgüzəştləri Moskvada oldu. Onu qəbul edəndə, təxminən, iyirmi düzəliş verdilər. Rüstəm həyatı bilən və çox praqmatik adamdır. Onun təkidiylə mən də bu düzəlişləri etməyə razı oldum, təki əsas dramaturji özək dəyişməsin və film ekranlara çıxsın. Məsələn, o zaman ölkədə ət-yağ qıtlığı vardı. Filmin qəhrəmanı bazara girəndə piştaxtada parça-parça ətlər asılmışdı. Dedilər, onu çıxarın, camaatı cırnatmaq lazım deyil. Nə olar, çıxartdıq. Beləcə, iyirmiyə yaxın xırda çıxarış etdik.<ref name ="Rasim Ocaqov">EL jurnali Rasim Ocaqov: "MƏN KİNODA SÖZÜMÜ DEMİŞƏM!"</ref>

*[[Hacı İsmayılov]]: Bu film həm [[Rasim Ocaqov]]un, həm mənim sözün əsl mənasında doğum günümüz, ad günümüz oldu. Həmişə demişəm və deyəcəyəm. Məni kinoda kəşf edən, o möcüzəli aləmə daxil edən Rasim müəllim olub. Əslində, mən kinostudiyaya dublyaj üçün getmişdim. Bir gün bufetdə çay içirdim, qəfildən Rasim Ocaqov mənə yaxınlaşdı ki, yeni bir film çəkirəm. “Ad günü” filminə fotosınaq üçün gəl, səni dəvət edirəm. O zamanın nəhəng aktyorlarına baxanda həmişə özüm geri çəkilirdim ki, “yox, mən kinoluq deyiləm”. Fotosınaq və kino sınağı da uğurlu olandan sonra məni filmə çəkdilər. Rasim Ocaqov əslində risk elədi, çünki yaradıcılığına yaxşı bələd olmadığı, heç vaxt kinoda çəkilməyən bir gənc aktyorla uğur qazanmaq onun bir peşəkar kimi özünə necə güvəndiyini, öz işini necə yaxşı bildiyini göstərir. Sonra başqa filmlərdə də işlədik. Biz şəkilinin nə qədər saf, təmiz insan olduğunu üzə çıxarmaq istədik. Buna da nail olduq.<ref>[http://hafta.az/index2.php?m=yazi&id=139542 Rasim Ocaqovun kino kimi həyatından]</ref>