"Şəhriyar adına uşaq kitabxanası" səhifəsinin versiyaları arasındakı fərqlər

Düzəlişin təsviri yoxdur.
'''M. Şəhriyar adına uşaq kitabxanası'''- Sabunçu rayon Mərkəzləşdirilmiş Kitabxana Sisteminin 1 saylı kitabxana filialı.
 
[[File:Abonement şöbəsi.jpg|thumb|Şəhriyar adına uşaq kitabxanası]]
 
[[File:Abonement şöbəsinin fondu.jpg|thumb|Şəhriyar adına uşaq kitabxanası]]
 
[[File:Oxu zalı.jpg|thumb|Şəhriyar adına uşaq kitabxanası]]
 
[[File:Oxu zalının fondu 3.jpg|thumb|Şəhriyar adına uşaq kitabxanası]]
 
[[File:Oxu zalının fondu.jpg|thumb|Şəhriyar adına uşaq kitabxanası]]
 
[[File:Oxu zalının fondu2.jpg|thumb|Şəhriyar adına uşaq kitabxanası]]
 
[[File:Rus şöbəsinin fondu.jpg|thumb|Şəhriyar adına uşaq kitabxanası]]
 
'''Tarixi'''
Əsası 1904-cü ildə qoyulub. O zamanlar kitabxana [["Neft sənayeçiləri"]] qurultaylar şurasının kitabxanası adlanırdı. 30 minə yaxın fəhlə yaşayan Balaxanıda yerləşirdi. Bu kitabxananın yaradılmasında maarifpərvər [[L.N.Barxatova]]nın böyük xidmətləri olmuşdur. Lidiya Nikolayevna Barxatova (1874- 1966) 1904-cü ildə Balaxanıda ilk fəhlə kitabxanasının müdiri olmuşdur.
Kitabxana açılarkən onun cəmi 200 nüsxə kitabı olmuşdur. L. Barxatovanın fəaliyyəti sayəsində 4 ilin ərzində kitabxananın fondu artıq 4500 nüsxəyə çatır. 1921- ci ildə bu mədəniyyət ocağı uşaq kitabxanası kimi fəaliyyət göstərməyə başlayır və ona Bakı komissarlarından biri olan [[Y.Zevin]]in adı verilir. Y.Zevin adına uşaq kitabxanası 1972-ci ildən 400 kv metr sahəsi olan yeni binaya köçürülmüşdür. Kitabxananın 3 hissədən ibarət ayrıca kitabsaxlayıcısı, Azərbaycan dilində ədəbiyyat, rus dilində məktəbəqədər aşağı siniflər və yuxarı siniflər üçün ədəbiyyat bölmələri var idi.
1992-ci ildən bu kitabxana [[M.Şəhriyar]]ın adını daşıyır. Kitabxana azərbaycan, rus abonement, səyyar, oxu zalı və fonoteka şöbələrindən ibarətdir. O zamandan bu günümüzə kimi nadir kitabların bir hissəsi indi də kitabxananın fondunda mühafizə olunur. Məsələn: 1912-ci il Sank-Peterburqda çap edilmiş "Komediy", A.Puşkinin, Dobrolyubovun, N.Akuşinin 1914-cü ildə Moskvada çap olunmuş "Dekobristı", D.İ.Fonvizinin "Briqadir", "Nedorosl" əsərlərini, M. Qorkinin və başqa yazıçıların əsərlərini misal göstərə bilərik. XX əsrin əvvəllərində çap olunmuş dünya klassiklərinin əsərlərinə və digər nəşrlərə də rast gəlmək mümkündür. Məsələn: Alman klassiki İ.Hötenin "Faust" əsərinin 1902-ci il Sank-Peterburq nəşri, görkəmli naşir B.B.Bitnerin redaktorluğu ilə çap olunmuş "Vestnik znaniy" məcmuəsinin 1913-cü il komplekti (№ 1- 12) və b. bu qəbildəndir.
 
'''
Sabunçu rayon MKS–nin 1 saylı filialının M.Şəhriyar adına kitabxananın rekonstruksiyadan sonra açılışı'''
 
Martın 28-də Bakı Şəhər Mədəniyyət və Turizm Baş İdarəsinin nəzdində olan Sabunçu rayon MKS–nin 1 saylı filialının M.Şəhriyar adına kitabxananın rekonstruksiyadan sonra açılışı olub.
 
Kitab evi tərzində düzənlənən yeni nəsil kitabxananın əsas ideyası 5 minə yaxın yeni və müasir kitablardan ibarət fondun daima yenilənməsi, oxucuya sərbəst seçim imkanın verilməsi, həmçinin əhalinin hər sahədə daha geniş məlumat əldə etməsidir.
 
Tədbirdə mədəniyyət və turizm naziri Əbülfəs Qarayev, nazir müavinləri Ədalət Vəliyev və Vaqif Əliyev , Bakı Şəhər Mədəniyyət və Turizm Baş İdarəsinin rəisi Vuqar Zeynalov, Sabunçu rayon İcra Hakimiyyəti başçısı Adil Vəliyev və müavini Arzu Məmmədova, Milli Məclisin deputatı Fazil Mustafa, mədəniyyət işçiləri və media nümayəndələri iştirak ediblər.
 
Cənab nazir Əbülfəs Qarayev çıxışında qeyd etdi ki, Bakı Şəhər Mədəniyyət və Turizm Baş İdarəsinin təşəbbüsü ilə yaradılan müasir kitabxana kompleksi qəsəbə sakinlərinin və gənclərin asudə vaxtlarının mənalı keçirmələrinə xidmət edəcək, dünya ölkələrində tətbiq edilən bu ideya artıq Bakının Sabunçu qəsəbəsində ilk olaraq reallaşdırılıb və 2017-ci ilin sonuna qədər paytaxtın bir neçə rayonlarında da kompleks kitabxanaların açılışı nəzərdə tutulub.
 
Sabunçu rayon İcra Hakimiyyətinin başçısı Adil Vəliyev və deputat Fazil Mustafa öz çıxışlarında kitab evinin qəsəbə sakinləri üçün çox əhəmiyyətli olduğunu vurğulayıblar və bu layihədə xidməti olan qurumlara öz təşəkkürlərini bildiriblər.
 
Sonra kitabxananın rəmzi açılışını bildirən qırmızı lent kəsilib. Qonaqlar yeni kitabxana kompleksi ilə yaxından tanış olublar.
 
Sonda mədəniyyət və turizm naziri Əbülfəs Qarayev mətbuat nümayəndələrinin suallarını cavablandırıb.
174

edits