Bibiheybətdə neft fontanı yanğını (film, 1898): Redaktələr arasındakı fərq

İyulun 27-də gecə [[Bibiheybət]]də, Bakı taciri, milyonçu Y.V. Vişaunun [[Bibiheybətdə neft fontanı yanğını (1898)|mədənində yanğın]] baş verir. Yanğın fontan vuran 32 saylı quyunu bürüyür, sonra da yaxınlıqdakı buruqlara keçir. Demək olar ki, mədənin yarısı-milyon pud nefti olan anbar, 9 buruq od tutub yanır.<ref name ="Aydın Kazımzadə">Aydın Kazımzadə. Azərbaycan kinosu - 2 (filmlərin izahlı kataloqu (1898-2002)). Bakı: 2003, səh. 6</ref>

Bütün bu dəhşətli hadisə kinosüjetdə öz əksini tapmışdır. Bu, reportaj manerasında çəkilmiş, hadisəli informasiya janrının bütün tələblərinə cavab verən xronikal filmdir.<ref name ="Aydın Kazımzadə"></ref>

*Azərbaycan xalq yazıçısı, görkəmli kinodramaturq və kinorejissor [[Rüstəm İbrahimbəyov]] dünya kinosunun 100 illiyi münasibətilə [[Paris]]də keçirilən yubiley tədbirlərində iştirak edərkən, orada göstərilən ən yaxşı filmlər içərisində "Bibiheybətdə neft fontanı yanğını" kinolentini görmüşdür.<ref>"Bakinski raboçi" qəzeti, 15 avqust 1996-cı il</ref><ref name ="Aydın Kazımzadə"></ref>

*Kinosüjet "Canlı fotoşəkillər" kolleksiyası adı altında [[1900]]-cü ildə [[Paris]]də Ümumdünya sərgisində böyük uğurla nümayiş etdirilmişdir. Nümayiş etdirilən süjetlər arasında [[Əlahəzrət Buxara əmirinin "Veliki knyaz Aleksey" paroxodunda yolasalma mərasimi (film, 1898)|"Əlahəzrət Buxara əmirinin "Veliki knyaz Aleksey" paroxodunda yolasalma mərasimi]], [[Qafqaz rəqsi (film, 1898)|"Qafqaz rəqsi"]], [[İlişdin (film, 1898)|"İlişdin"]], [[1898-ci il avqustun 4-də Balaxanıda neft fontanı (film, 1898)|"1898-ci il avqustun 4-də Balaxanıda neft fontanı"]] kinosüjetləri də var idi. Bunları izləyən [[Lümyer qardaşları]] onlardan bir neçəsini almış və öz kolleksiyalarına daxil etmişlər. Sonradan həmin kinosüjetlər Paris kinoarxivinə təhvil verilmiş və bu günə kimi orada qorunub saxlanılır. [[2001]]-ci ildə Azərbaycan Dövlət Film Fondunun təşəbbüsü ilə bu kinosüjetlərdən ikisinin surətləri - "Bibiheybətdə neft fontanı yanğını" və [[1898-ci il avqustun 4-də Balaxanıda neft fontanı (film, 1898)|"1898-ci il avqustun 4-də Balaxanıda neft fontanı"]] [[Bakı]]ya gətirilmiş və hazırda Dövlət Film Fondunda qorunub saxlanılır.<ref name ="Aydın Kazımzadə1">Aydın Kazımzadə. Azərbaycan kinosu - 2 (filmlərin izahlı kataloqu (1898-2002)). Bakı: 2003, səh. 7</ref>