Edam məhkumunun son günü: Redaktələr arasındakı fərq

"'''Edam Məhkumunun Son Günü'''" (Frns. Le Dernier Jour d'un condamné) - dahi fransız yazıçısı [[Viktor Hüqo]]nun, 1829.cu ildə nəşr olunmuş ilkin əsərlərindən olan qısa bir romanıdır. Əsərdə, edama məhkum edilmiş şəxsin öz dilindən son günləri nəql edilir. Romanın əsas məqsədi edam qanununun faciyəvi gerçəkliyini göz önünə sərməkdir. Belə ki, məhkum üçün düzəlmə haqqını tamamı ilə yox edən edam, həm də, sağalacaq bir çox yaranı da çiy qoyur. Edam, sadəcə məhkum üçün deyil, eyni zamanda onun yaxınları üçün də bir faciyə xarakteri daşıyır. Məzmun etibarilə olduqca təsirli olan bu əsər, xüsusən də, məhkumun kiçik qızı ilə olan görüş səhnəsi ilə insanda qəribə bir əhval yaradır.

Kitabda məhkum: "Bir müddət öncə mən də hər kəs kimi bir insan idim" - deyir. Lakin, bir müddət ərzində O, zahirən o qədər dəyişir ki, hətta öz qızı belə onu tanımır. Bu ifadələr öz ölümünü gözləməyin insan üzərində yaratdığı təsirin bir nümunəsidir. Bəli, edamı qorxunc qılan başın xüsusi bir mexanizma arasında kəsilməsi ilə yanaşı, həm də, insanın, onun üçün müəyyənləşdirilmiş bir ölüm gününü bilməsi və gözləməsidir. Ölüm hər kəs üçün var, lakin, öləcəyimiz anı bilmək, hətta ölümün özündən belə daha qorxuncdur. Kitabda belə bir cümlə var: "Əslində hər kəs günü naməlum bir ölümün məhkumudur."