== '''Əbu Əli ibn Sina. “Əl-qanun fit-tibb''' — [[Şərq|Şərqin]] böyük [[Alim|alimi]] [[İbn Sina|Əbu Əli İbn Sinanın]] “Əl-Qanun fit-tibb” (“Tibb qanunları”) əsərinin II cildinin [[Əlyazma|əlyazması]] qədimliyi, mükəmməlliyi ilə diqqəti cəlb edir. Əsər hicri 537, [[1143-cü il|miladi 1143-cü ildə]] müəllifin ölümündən 6 il sonra köçürülmüşdür. Bu mənada, [[Əlyazma|əlyazmanın]] bu nüsxəsi ən etibarlı nüsxələrdəndir. [[İslam]] [[Şərq|Şərqinin]] elm tarixinin qədimliyini sübut edən bu əlyazma [[Ümumdünya irsi|YUNESKO-nun təsis etdiyi “Dünyanın yaddaşı” Proqramının]] siyahısına daxil edilmişdir. “Tibb qanunları” [[Orta əsrlər|Orta əsrlərdə]] həm [[Qərb]], həm də [[Şərq|Şərqdə]] tibb sahəsində yazılmış ən mükəmməl, tayı-bərabərı olmayan ensiklopedik əsər sayılırdı. [[XII əsr|XII əsrdə]] [[Kremonalı Gerard]] (1140-1187) bu kitabı [[Ərəb dili|ərəb dilindən]] [[Latın dili|latın dilinə]] çevirəndən sonra, o, yüzilliklər boyu [[Avropa]] Universitetlərində tibb üzrə ən mükəmməl dərs vəsaiti sayılmışdır. Kitab o qədər böyük şohrət qazanmışdı kı, dahi [[rəssam]] və [[Heykəltəraşlıq|heykəltəraş]] [[Mikelancelo]] onun haqqında bunları demişdi: ''“İbn Sinanın ardınca gedib yanılmaq, başqalarının ardınca gedib uğur qazanmaqdan daha yaxşıdır”.'' 190 vərəqdən ibarət kitabın ölçüsü 24x15 sm., mətninin ölçüsü isə 18x11 sm.-dir. [[Əlyazma|Əlyazmanın]] hər səhifəsində 18-20 sətir vardır. Nüsxə qara [[Mürəkkəb|mürəkkəblə]], aydın, narın [[nəsx xətti]] ilə küçürülmüş, fəsil adları, müalicəvi [[Bitkilər|bitki]] adları qırmızı [[Mürəkkəb|murəkkəblə]] yazılmışdır. ==
[[İbn Sina|İbn Sinanın]] “əl-Qanun fit-Tibb” (“Tibb qanunu”), qısaca “Qanun” əsəri fiziologiya, hifzüsihhə (sağlamlığı qoruma), müalicə və farmakologiya aiddir. Beş cildlik, təxminən bir milyon sözdən ibarət böyük tibb ensiklopediyası olan bu əsər istər məzmunu, istərsə də hazırlanma tərzi baxımından əsrlərlə tibb ədəbiyyatına yol göstərmişdir. XIII əsrdən etibarən Avropa universitetlərində dərslik kimi istifadə edilmiş, [[Fransa|Fransasının]] məşhur [[Monpelye]] və [[Löven Katolik Universiteti|Lüven Universitetlərininin]] [[tibb]] fakültələrində əsas dərslik olmuşdur. Əsər müasir [[Tibb|tibbi]] biliklərin yaranmasına qədər [[türk]], [[Ərəblər|ərəb]], [[Farslar|fars]] və müxtəlif [[Qərb]] dillərində yazılan əsərlərin başlıca istinad mənbəyi olmuşdur. “Qanun”da bəhs edilən tibbi biliklərin bir hissəsi öz dəyərini indiyədək qoruyub saxlamışdır.
