Məsud ibn Namdar Sədunun (indiki Siyəzən) daxil olduğu nahiyədə Qavadan kəndinin adını çəkir. <ref>Mинopcкий и Kaэн, c. 117.</ref> Burada Qavad adına yer, şəhər və s.bildirən "an" suffiksi artırılmışdır. Ola bilər ki, bu elə həmin Firuz Qubad Qubanın qədim adıdır. <ref>S. Aşurbəyli – Şirvanşahlar dövləti, Bakı, 2007</ref>
XVIII-ci əsrin ortalarında Quba xanlığı yaradılmış, onun mərkəzi əvvəl [[Xudat]], sonra isə Quba şəhəri olmuşdur. Hüseynəli xanın oğlu Fətəli xanın ([[1758]]-[[1789]]) dövründə Quba xanlığının mövqeyi artmışdır. [[1806]]-cı ildə [[Quba xanlığı]] [[Rusiya]]ya birləşdirildi və əyalətə çevrildi. Yenidən təşkil olunmuş [[Quba qəzası]] [[1840]]-cı ildə [[Dərbənd quberniyası]]na, [[1860]]-cı ildə isə [[Bakı quberniyası]]na daxil edildi. [[1930]]-cu ildə Quba Azərbaycanın inzibati rayonlarından birinə çevrildi.
[[2012]]-ci il martın 1-də Qubada baş vermiş etiraza icra hakimiyyəti başçısının yerli əhalini təhqir edən çıxışının [[youtubeYouTube]] saytına yerləşdirilməsi səbəb olub. Quba rayon icra hakimiyyətinin başçısı Rauf Həbibovun 2011-ci il noyabrın 22-də sosial məsələlərin müzakirəsinə həsr olunmuş müşavirədə səsləndirdiyi bəzi fikirləri qubalılara hörmətsizlik kimi qəbul edən bir neçə min sakin 2012-ci il martın 1-də İcra Hakimiyyətinin inzibati binası qarşısında etiraz aksiyası keçirib. Ümumi kontekstdə sosial vəziyyətlərindən, məmur davranışından narazı insanlar etiraz aksiyası keçirib. Dinc aksiya sonradan zorakı xarakter alıb. Əhali icra başçısının evini, yardımçı tikililərini yandırıb. Sonra daxili qoşun hissələri ilə qarşıdurma olub. Polis gözyaşardıcı qazdan istifadə edib. Deputat Vahid Əhmədovun vasitəçiliyi etirazları səngidib və icra başçısının vəzifədən azad edilməsi barədə rəsmilərin bəyanatı insanların evlərinə dağılmasına səbəb olub.<ref>[http://www.voanews.com/azerbaijani/news/Quba-hadislrinin-istintaq-il-bal-rsmi-mlumat-10-nfr-hbs-edilib--144889985.html Quba hadisələrinin istintaqı ilə bağlı rəsmi məlumat, 10 nəfər həbs edilib] Amerikanın Səsi radiosu</ref>
