Aişə binti Əbu Bəkr ibn Əbu Quhafə [[605]]-ci ildə [[Məkkə]]də dünyaya gəlmişdir. Qüreyş qəbiləsindəndir və atası məşhur səhabə [[Əbu Bəkr]]dir. Aişənin uşaqlıq illəri [[Məkkə]]də keçmişdir. 188 yaşında [[Məhəmməd|Məhəmməd ibn Abdullahla]] (s.ə.s) evlənmişdir. [[622]]-ci ildə [[Məhəmməd]] və digər bir qrup müsəlmanlarla birlikdə [[Mədinə]]yə köçmüşdür. [[632]]-ci ildə atası [[Əbu Bəkr]] xəlifə seçilmişdir. [[656]]-cı ildə üçüncü [[raşidi xəlifə]] [[Osman ibn Əffan|Osmanın]] üsyançılar tərəfindən öldürülməsi və [[Əli|Əli ibn Əbu Talibin]] (ə) [[xəlifə]] seçilməsindən sonra səhabələr [[Təlhə]], [[Zübeyr]] və digərləri ilə birləşib Əliyə tabe olmaqdan boyun qaçırmış və ondan [[Osman ibn Əffan|Osmanın]] qatillərinin cəzalandırılmasını tələb edərək ona qarşı çıxmışdır. Hadisələrin sonrakı gedişatı müsəlmanlar arasında bir sıra döyüşlərə səbəb olmuşdur. Tarixdə [[Cəməl döyüşü]] olaraq anılan belə döyüşlərin birində Aişə və tərəfdarları məğlub olmuş, [[Təlhə]] döyüş zamanı, [[Zübeyr]] isə döyüşdən sonra öldürülmüşdür. [[Əli]] (ə) qələbədən sonra Aişəni əfv etmiş, onu [[Mədinə]]yə yola salmış və ona maaş da kəsmişdir. Aişə ömrünün sonuna qədər [[Mədinə]]də yaşamış və burada da vəfat etmişdir.
