'''Qarabağ xan sarayı''' və ya '''Pənahəli xan sarayı''' -— [[Şuşa]] şəhərinin [[Şuşa Dövlət Tarix-Memarlıq Qoruğu|tarixi mərkəzində]] yerləşən və [[Qarabağ xanlığı]]nın banisi [[Pənahəli xan]]ın iqamətgahı olmuş tarixi saraydır. Pənahəli xannın dövründə saray xanın iqamətgahı olmaqla yanaşı, həm də xan ailəsi ilə birlikdə bu sarayda yaşamışdır. Onun oğlu İbrahimxəlil xan ailəsi və əyanları ilə birlikdə Pənahəli xan sarayı yaxınlığında onunla eyni dövrdə inşa edilmiş İbrahimxəlil xan sarayında yaşamışdır. İbrahimxəlil xanın böyük oğlu Məhəmməd Həsən ağa Şuşa yaylasının cənub-şərqində sıldırım qayanın üstündə ucaldılmış [[Məhəmmədhəsən ağa sarayı]]nda yaşamışdır. Bu saraylardan başqa Şuşada xan ailəsi üzvlərinə məxsus [[Xan qızı Natəvanın sarayı]] və [[Qaraböyük xanım sarayı]] da vardır. [[Qarabağ xan sarayı (dəqiqləşdirmə)|Qarabağ xan sarayı]] adı müxtəlif mənbələrdə bu sarayların hər birinə aid edilsə də, Qarabağ xanlarının əsas siyasi iqamətgahı ilk Qarabax xanı Pənahəli xanın saray-qəsri olmuşdur.
